"an independent online kurdish website

ڕشتی و جامانەیەکی سووتاو

 بەهارە سفرەی منن

kako_serchopi


نارنجۆکی زامن ترازاو

مۆمی هەفت نا ،هەزار خەمی سفرەمن

بە بۆنی بارووت ژاکاو نیرگس و گەزیزە

نیشتمانێکم رەشپۆش

ئاسمانێکی ئەستێرە شەهید وچاوێکم پڕ لە چاوەروانی

نەورۆزم چۆن بێت

کە چاوی دڵ دەریای خەمی نەهاتنەوەتانە

نەورۆز ناکەم

با جامانەو وەنەوشەو ئاگر

هەنگاوتان ، چەکتان، ئازایەتیتان بەو شاخە

سووتاوەوە شارۆ بکەن

نەورۆزی نەمرییتان پیرۆز

رێبەرە جەستە خوێناوییەکانی راسان

نەورۆزی بە دڵ بوونتان پیرۆز

پێشەنگە ورە پۆلاینەکانی هەستانەوە

بەهاری ژیانەوەی شاختان پیرۆز

تاقەدارە سەربەرزەکەی سنە !

گوڵە هەنارەکانی هەورامان و گێلاسە خوێنینەکانی شنۆ !

جامانەو ڕشتییە سووتاوەکەتان لەم جیهانە بێ ئێوە خالییەدا

سفرەی هەفت نا

هەزار خەمی ، دڵی پڕ لە تاسەتان

…..

شەهین

نویتـرین هەواڵ و بابەت


فارسی