شێخ جه‌عفه‌ر ئاماژه‌ی به‌وه‌كرد”ئه‌وه‌ی له‌چه‌مچه‌ماڵ و ڕانیه و سلێمانی و شوێنه‌كانی تر ڕویدا ئه‌مجاره تێكه‌ڵی خۆپیشانده‌ران بوون ئه‌وه یه‌كێك له‌به‌رنامه‌كان بوو كه ئه‌و ئاژاوه‌گێرییه دروست بكه‌ن
جه‌عفه‌ر شێخ مسته‌فا فه‌رمانده‌ی هێزه‌كانی حه‌فتای پێشمه‌رگه و ئه‌ندامی مه‌كته‌بی سیاسی یه‌كێتی نیشتمانی
جه‌عفه‌ر شێخ مسته‌فا فه‌رمانده‌ی هێزه‌كانی حه‌فتای پێشمه‌رگه و ئه‌ندامی مه‌كته‌بی سیاسی یه‌كێتی نیشتمانی كوردستان له‌گفتوگۆیه‌كدا له‌گه‌ڵ به‌شی كوردی ده‌نگی ئه‌مریكا ده‌ڵێت”ئاڕاسته و گروپێك له‌ناو یه‌كێتیدا هه‌ن كه هه‌ماهه‌نگ و ڕێكه‌وتنیان هه‌یه له‌گه‌ڵ حكومه‌تی عیراقی و حه‌شدی شه‌عبی وه‌ك چۆن كه‌ركوكیان ته‌سلیم كردن ئاواش ده‌یانه‌وێت سلێمانی و هه‌ولێر و دهۆكیان ته‌سلیم بكه‌ن،ته‌نانه‌ت ئه‌و توند و تیژییانه‌ی خۆپیشاندانه‌كان ئه‌و گروپه‌بوون نه‌ك خه‌ڵك چونكه به‌وه ویستیان بیانوو بده‌نه ده‌ست سوپای عیراق و حه‌شدی شه‌عبی تا به‌ناوی پاراستنی ئاسایش و خه‌ڵكه‌وه بێنه‌وه سلێمانی و هه‌موو كوردستان.”
شێخ جه‌عفه‌ر شێخ مسته‌فا له‌سه‌ره‌تای گفتوگۆكه‌دا ئاماژه‌ی به‌و هێزه كرد كه له ناو شاری سلێمانی و شوێنه‌كاندا بڵاوكرانه‌وه له‌دوای خۆپیشاندانه‌كانی هه‌فته‌ی ڕابردوو وتی”هێزی باڵای كوردستان ئه‌و هێزه‌ی كوردستانه كه له‌دوای خۆپیشاندانه‌كان و توندو تیژییه‌كان به‌مه‌بستی پاراستنی دام وده‌زگا و فه‌رمانگه‌كان و خۆپیشانده‌رانی مه‌ده‌نیانه دابه‌زینه ناوشار و قه‌زا و شوێنه‌كان،ئه‌م هێزه پێشمه‌رگه و خۆپیشانده‌ری مه‌ده‌نی و داموده‌زگاكانی حكومه‌ت و خه‌ڵك ده‌پارێزێت،ئێمه له‌گه‌ڵ داواكاری ڕه‌وای خه‌ڵك و خۆپیشانده‌ری مه‌ده‌نیانه‌ین”
وتیشی”ئه‌و هێزه له‌ژێر فرمانی لیژنه‌ی ئه‌منی شوێنه‌كان بوه ئیتر سه‌رۆكی لیژنه‌ی ئه‌منی پارێزگاره،یا قایمقام یاخود مدیر ناحیه،ئێستا به‌فرمانی پارێزگار و ئه‌نجومه‌نی پارێزگا ئه‌و هێزه له‌ناو شار و شارۆچكه‌كان كشاونه‌ته‌وه .ئێمه له‌گه‌ڵ داواكاری ڕه‌وای خه‌ڵك و خۆپیشانده‌ری مه‌ده‌نیانه‌ین”.
شێخ جه‌عفه‌ر مسته‌فا ڕه‌تی كرده‌وه توند و تیژی و سوتانی باره‌گای حیزبه‌كان و فه‌رمانگه حكومیه‌كان كاری هاوڵاتی و خۆپیشانده‌رێك بێت كه داوای موچه و خزمه‌تگوزاری ده‌كات و وتی”ئه‌و ڕووداوانه‌ی ڕوویاندا سوتانی فه‌رمانگه‌كان و باره‌گای حیزبه‌كان و پشێوی نانه‌وه داوای خه‌ڵك نه‌بوو به‌ڵكو ئه‌وه موئامه‌ره‌یه‌ك بوو كه كه‌وتنه ناو ئه‌و خۆپیشاندان و ناڕه‌زایه‌تیانه و سه‌ركردایه‌تی ئه‌وانه بۆ شتی تر به‌كاریده‌هێنا من وه‌ك كوده‌تایه‌ك ده‌مبینی،مه‌رامه‌كه‌یان ئه‌وه‌بوو دۆخی كوردستان تێكبده‌ن،ته‌نانه‌ت هه‌ماهه‌نگیان هه‌بوو له‌گه‌ڵ عیراقدا تا حه‌شدی شه‌عبی و سوپای عیراق بهێننه سلێمانی و هه‌موو كوردستان.”
شێخ جه‌عفه‌ر پشێوی خۆپیشاندانه‌كانی به پیلان ناوبرد و وتی”ئه‌م پیلانه خه‌ڵكی ئاسایی نه‌بوو چونكه ئێمه ده‌زانین خه‌ڵك وه ئه‌و گه‌نجانه گیرفانیان به‌تاڵه و داواكارییان ڕه‌وایه وه‌خه‌ڵكی ئاسایی ئه‌و مه‌رامه‌ی نه‌بوو ،،دوو هه‌زار یا پێنج هه‌زار كه‌س،به‌ڵكو خه‌ڵكی ئاسایی ناڕه‌زا سه‌دان هه‌زار كه‌سن،ئه‌گه‌ر خه‌ڵكی ئاسایی بونایه هیچ هێزێك نه‌یده‌توانی له‌به‌رده‌م هێزی خه‌ڵك خۆی ڕابگرێت.”
شێخ جه‌عفه‌ر مسته‌فا كه ئه‌ندامی مه‌كته‌بی سیاسی یه‌كێتی نیشتمانی كوردستانه به‌شێك له‌سه‌ركردایه‌تی و خه‌ڵكی یه‌كێتی تۆمه‌تباركرد كه ئه‌و پشێویه‌ی ناو خۆپیشاندانه‌كانیان دروست كردووه به‌ناوی هاوڵاتی ناڕه‌زاوه وتی”له‌ناو یه‌كێتیدا ئاڕاسته‌یه‌ك هه‌یه وه هه‌ندێك لایه‌نی تریش هه‌تا چه‌ند وڵاتێكی هه‌رێمی ده‌ره‌وه‌ش له‌پشتیه‌وه‌ن ده‌یانه‌وێت سوپای عیراق و حه‌شدی شه‌عبی بهێننه سلێمانی و هه‌ولێر و دهۆك،هاوشێوه‌ی خیانه‌ته‌كه‌ی كه‌ركوك دوباره بكه‌نه‌وه و سلێمانی و هه‌ولێر و دهۆكیش بخه‌نه ژێر ده‌ستی حه‌شدی شه‌عبی و سوپای عیراق”
شێخ جه‌عفه‌ر شێخ مسته‌ف وتیشی”به‌داخه‌وه ناتوانم ناوی ئه‌و كه‌سانه‌ی ناو یه‌كێتی و وڵاته ده‌ره‌كیه‌كه‌ش بڵێم له‌ئێستادا، چونكه زۆركات دۆخی خراپ و پاراستنی به‌رژه‌وه‌ندی نیشتمانی واده‌كات كه تا پله‌ی خیانه‌تیش بپۆشیت بۆ كه‌سانی تر،به‌ڵام وه‌ك وتم ئه‌وه خه‌ڵكی ئاسایی نه‌بوو ئه‌و توندوتیژی و گێره‌شێوێنیانه‌ی خۆپیشاندانه‌كانی سلێمانی و ناوچه‌كانی تر،ئه‌وه هه‌ر ئه‌و كۆمه‌ڵه‌ی ناو یه‌كێتی بوون كه‌كه‌ركوكیان له(١٦)ی ئۆكتۆبه‌ردا به‌و ده‌رده گه‌یاند.”
سه‌باره‌ت به‌وه‌ی ئه‌و كه‌سانه كێن له‌ناو یه‌كێتی؟ شێخ جه‌عفه‌ر وتی”من خۆم حیزب وه‌ك هۆكار ده‌بینم بۆ گه‌یشتن به ئامانجه‌كانی نه‌ته‌وه‌كه‌م به‌ڵام به‌داخه‌وه له‌كوردستان به‌هۆی ئه‌م ململانێ و ناكۆكیانه‌ی ناو حیزب ئیمانم به حیزبایه‌تی به‌ته‌واوی لاواز بووه،ئه‌و گروپ و ئاڕاسته‌یه‌ی ناو یه‌كێتی هه‌ندێكیان له‌ده‌ره‌ووه‌ی مه‌كته‌بی سیاسی و سه‌ركردایه‌تین به‌ڵام ده‌سه‌ڵاته‌كه‌یان وای كردووه،له‌ده‌ره‌وه‌ی سیاسه‌تی یه‌كێتی و ده‌ره‌وه‌ی یه‌كێتی بڕیارده‌ده‌ن.”
شێخ جه‌عفه‌ر ئاماژه‌ی به‌وه‌كرد”ئه‌وه‌ی له‌چه‌مچه‌ماڵ و ڕانیه و سلێمانی و شوێنه‌كانی تر ڕویدا ئه‌مجاره تێكه‌ڵی خۆپیشانده‌ران بوون ئه‌وه یه‌كێك له‌به‌رنامه‌كان بوو كه ئه‌و ئاژاوه‌گێرییه دروست بكه‌ن،له‌شوێنه‌كانی تریش دوباره‌ی بكه‌نه‌وه دواتر وه‌ك گوێمان لێبوو له‌ڕاگه‌یاندنه‌كان له‌ژێر ناوی پاراستنی ئاسایش حكومه‌تی عیراق سوپای عیراق بهێننه‌وه كوردستان،چونكه هه‌ماهه‌نگ و ڕێكه‌وتنیان له‌و ڕوه‌وه پێش وه‌خته له‌گه‌ڵ عیراق و حه‌شدی شه‌عبی هه‌بوو”
سه‌باره‌ت به‌وه‌ی ئه‌گه‌ر یه‌كێتی ده‌زانێت وه ئه‌و وه‌ك ئه‌ندامی مه‌كته‌بی سیاسی به‌كاری ئه‌و گروپه‌ی ناوخۆی حیزبه‌كه ئاگادارن بۆچی مه‌كته‌بی سیاسی یه‌كێتی لێپێچینه‌وه له‌و گروپه ناكات ئه‌و وه‌ك ئه‌ندامی مه‌كته‌بی سیاسی بۆ ئه‌و داوایه یا ئه‌و كاره ناكات؟
شێخ جه‌عفه‌ر وتی”پرسیاره‌كه زۆر زۆر ڕاست و له‌جێی خۆیدایه،به‌ڵام له‌به‌ر ئه‌وه‌ی یه‌كێتی ئێستا جۆرێك له‌سه‌ر لێشێواوی و لێكترازانی تێدایه،وای لێهاتووه كه كه‌سانێك سه‌یته‌ره بكه‌ن به‌سه‌ر حیزبه‌كه‌دا و وه جۆره‌ها مامه‌ڵه‌ش به حیزبه‌كه‌وه ده‌كه‌ن ته‌نها بۆ په‌یداكردنی ده‌سه‌ڵاتی خۆیان وایكردووه كه ئه‌و كه‌سانه بۆ خۆیان یاری بكه‌ن له‌گۆڕه‌پانه‌كه‌دا كه‌سیش نه‌توانێت لێیان بپرسێته‌وه،ئه‌وه به‌جێ ده‌هێڵین بۆ مێژوو.”
ده‌رباره‌ی ئه‌وه‌ی ده‌سكه‌وته‌ی ئه‌و گروپه‌ی یه‌كێتی چیه وه‌ك خۆی ده‌ڵێت ده‌یانه‌وێت سلێمانی و هه‌ولێر و دهۆك به‌ده‌ردی كه‌ركوك ببه‌ن. شێخ جه‌عفه‌ر وتی”ئه‌و گروپه‌ی ناو یه‌كێتی كه ویستیان سلێمانیش به‌ده‌ردی كه‌ركوك ببه‌ن و سوپای عیراق و حه‌شدی شه‌عبی بهێننه‌وه ناو شاره‌كانی كوردستان ئه‌و گروپه‌ی یه‌كێتی ده‌یانه‌وێت سه‌یته‌ره بكه‌ن به‌سه‌ر یه‌كێتیدا و ده‌سه‌ڵات بگرنه ده‌ست بۆیه ئه‌و خیانه‌ته ده‌كه‌ن،پێشتر ئه‌وه‌یان ده‌سكه‌وت له‌كه‌ركوك كه خه‌ڵكی دوزخورماتوو كۆمه‌ڵكوژ ده‌كرێت ئێستا تاوانی جه‌نگ له‌و ناوچانه ڕوده‌دات،خه‌ڵكی كه‌ركوك تاڵان ده‌كرێت، فڕۆكه‌خانه‌كانی هه‌رێم داخران به‌حسابی خۆیان عیراق دێته‌وه شاره‌كانی هه‌رێمی كوردستان و سلێمانی و ئه‌وان له‌ژێر فه‌رمانڕه‌وایی سوپای عیراق و حه‌شدی شه‌عبی ده‌سه‌ڵات ده‌گرنه‌وه ده‌ست. ئه‌م گروپ و ئاڕاسته‌یه‌ی ناو یه‌كێتی كه ئێستا ئه‌و خیانه‌ته گه‌وره‌یه ده‌كه‌ن به‌شێكیشیان سه‌ركرده‌ن و پێشتر خه‌باتی شاخیان هه‌بووه ،به‌ڵام ئه‌وه‌ی خیانه‌ت ده‌كات گوێ ناداته ڕابردووی خۆی به‌لایه‌وه گرنگه ئێستا چی ده‌ست ده‌كه‌وێت؟”
هه‌روه‌ها وتی”هه‌تا ئه‌و گروپه خائینه‌ی یه‌كێتی مابن مه‌ترسی جدی له‌سه‌ر كوردستان هه‌یه،چونكه به‌رده‌وام هه‌ماهه‌نگی عیراقن و ده‌یانه‌وێت سوپای عیراق و حه‌شدی شه‌عبی بهێننه‌وه هه‌موو كوردستانی ته‌سلیم بكه‌ن بۆ نه‌هێشتنی كوردستان و ئه‌و ده‌سكه‌وتانه‌ی كوردستان .
شێخ جه‌عفه‌ر مسته‌فا وتیشی”ئێستاش ئومێدمان یه‌كڕیزی میلله‌ت و ساڕێزكردنی برینه‌كانه،ئه‌گه‌رنا ئه‌مڕۆ بێت یا سبه‌ی ده‌بێت به‌خه‌ڵك بڵێین ئه‌و گروپه خائینه كێن كه هه‌ماهه‌نگییان له‌گه‌ڵ عیراق و حه‌شدی شه‌عبی هه‌یه كۆبونه‌وه‌یان له‌به‌غداد و كه‌ركوك و سلێمانی له‌گه‌ڵ كردون وده‌یانه‌وێت ده‌ستی سوپای عیراق و حه‌شدی شه‌عبی بگرن بیانهێننه‌وه شاره‌كانی كوردستان.”
به‌بڕوای شێخ جه‌عفه‌ر شێخ مسته‌فا تا ئێستاش مه‌ترسی هاتنی سوپای عیراق و حه‌شدی شه‌عبی له‌سه‌ر هه‌رێمی كوردستان ماوه وتی”هه‌تا ئه‌و گروپه مابن ئه‌و مه‌ترسیه به‌رده‌وام له‌سه‌ر كوردستان هه‌یه چونكه ئه‌وان له موئاماره‌ی خۆیان ناكه‌ون،،ئه‌گه‌ر بڕوانن ئه‌و كه‌سانه له‌ڕابردودا فلسێك له‌گیرفانیاندا نه‌بووه كه‌چی ئێستا به‌سه‌دان ملیۆن دۆلار ناڵێن پاره،پاره‌ی نه‌وتیان لایه وه تائێستاش له‌و كه‌سانه‌ی بچوكترین به‌رژه‌وه‌ندییان له‌م وڵاته هه‌یه له‌گه‌ڵیان شه‌ریكن و سه‌رانه‌یان لێ ده‌سێنن.”
فه‌رمانده‌ی هێزه‌كانی حه‌فتای پێشمه‌رگه وتیشی”هه‌موو حیزب و لایه‌نه‌كان به‌جه‌نابی كاك مه‌سعودیشه‌وه ئاگاداری ئه‌و خیانه‌ته‌ی ئه‌و گروپه‌ی یه‌كێتین به‌ڵام وه‌ك وتم دۆخی كوردستان ناله‌باره،وه سه‌ركرده‌ی ئه‌و حیزبانه به‌رپرسانه نایه‌نه پێش بۆ چاره‌سه‌ركردنی ئه‌و كێشانه،فه‌وزایه‌ك له‌كوردستان دروست بووه كه ئه‌وان به‌هه‌موو جۆرێك ده‌توانن ته‌راتێنی تێدا بكه‌ن”
پێشتر(ئاراس شێخ جه‌نگی)له‌میانه‌ی گفتوگۆیه‌كدا له‌گه‌ڵ(به‌ڵێن ساڵح)له‌به‌شی كوردی ده‌نگی ئه‌مریكا،ڕایگه‌یاندبوو،كه پێش هێرش كردنه سه‌ركه‌ركوك له(١٦)ی ئۆكتۆبه‌ر له‌كه‌ركوك چۆته لای فه‌رمانده سه‌ربازییه‌كان له‌كه‌ركوك به‌تایبه‌ت(وه‌ستا ڕه‌سوڵ و شێخ جه‌عفه‌ر شێخ مسته‌فا)ئاگاداری كردونه‌ته‌وه له‌هێرشی سوپای عیراق و حه‌شدی شه‌عبی بۆ سه‌ر كه‌ركوك به‌ڵام ئه‌وان به‌تایبه‌ت شێخ جه‌عفه‌ر گاڵته‌ی به‌قسه‌كانی كردووه و پێی وتوه”سوپای عیراق هێرش ناكات چونكه هه‌ندێك شت هه‌یه من ده‌یزانم تۆ نایزانی.”
به‌ڵام شێخ جه‌عفه‌ر مسته‌فا وه‌ڵامی قسه‌كانی ئاراسی شێخ جه‌نگی دایه‌وه وتی “ئاراسی شێخ جه‌نگی زۆر سه‌هووه،وه‌ك وتم ئێستا كاتی ساڕێژكردنی برینه‌كانه نه‌ك كولاندنه‌وه‌ی،ده‌بوو ئاراسی شێخ جه‌نگی باسی ئه‌وه بكات من ده‌مزانی كه هێرش ده‌كرێت چونكه ئه‌مریكیه‌كان پێشتر پێیان وتم سوپای عیراق و حه‌شدی شه‌عبی هێرش ده‌كه‌ن، به‌ڵام ئه‌و به‌ئێمه‌ی وت به‌رگری مه‌كه‌ن با سوپای عیراق و حه‌شدی شه‌عبی بێنه كه‌ركوك به‌ڵام ئێمه پێمان وت سازش له‌سه‌ر یه‌ك بست خاكی كوردستان ناكه‌ین و بێ به‌رگری چۆڵی ناكه‌ین،ده‌بوو باسی ڕۆڵی خراپی خۆی بكات كه كۆبونه‌وه‌ی له‌گه‌ڵ عیراق وسه‌ركرده‌كانی حه‌شدی شه‌عبی كرد له‌پێشثر تا بیانهێنێته كه‌ركوك به‌س دوباره‌ی ده‌كه‌مه‌وه كاتی كولاندنه‌وه‌ی ئه‌و برینانه نیه.”
وتیشی”هۆكاری(١٦)ی ئۆكتۆبه‌ر ڕیفراندۆم نه‌بوو به‌ڵكو خیانه‌تی ئه‌و گروپه‌ی یه‌كێتی بوو،ئێستاش ئه‌گه‌ر ڕیفراندۆم بكرێت،بزانم زیانی زیاتر ده‌كه‌ین نه‌ك یه‌ك په‌نجه هه‌ر ده په‌نجه‌كه‌م ده‌كه‌م به مه‌ره‌كه‌به‌كه‌دا بۆ سه‌ربه‌خۆیی كوردستان،به‌ڵام ئه‌وانه‌ی له‌سه‌ره‌تاوه دژی ڕیفراندۆم و سه‌ربه‌خۆیی بوون ئه‌وانه بوون كه‌هاوكار و هه‌ماهه‌نگی سوپای عیراق و حه‌شدی شه‌عبیان ده‌كرد تا بیانهێننه‌وه شاره‌كانی كوردستان و وه‌ك شاره‌كانی عیراقی لێبكه‌ن .”
شێخ جه‌عفه‌ر مسته‌فا جه‌ختی له‌وه‌كرده‌وه”ئه‌گه‌ر ڕۆژێك ئه‌م دۆخه ناله‌باره‌ی كوردستان نه‌مێنێت دادگایه‌كی نیشتمانی پێكبهێنرێت،ده‌بێت له‌دنیدا سزای خائین چیه ئه‌وانیش هه‌مان سزا بدرێن.”
شێخ جه‌عفه‌ر شێخ مسته‌فا وتیشی”ئه‌م گروپه‌ی یه‌كێتی ئه‌گه‌ر له‌سه‌رده‌می شاخدا ئه‌وه‌یان بكردایه هاوكاری حكومه‌تی عیراقی بكه‌ن ئه‌وا هه‌موویان ڕه‌می ده‌كران و ده‌كوژران،ئه‌گه‌ر مام جه‌لالیش بمایه هه‌موویانی وه‌ك خائین سزا ده‌دا.”
له‌كۆتایی گفتوگۆكه‌یدا بۆ به‌شی كوردی ده‌نگی ئه‌مریكا شێخ جه‌عفه‌ر شێخ مسته‌فا وتی”لێره‌وه ده‌مه‌وێت داوای لێبوردن له‌خه‌ڵكی كوردستان بكه‌م كه ئێستا نه‌متوانی هه‌ندێك وردتر ڕاستیه‌كان بڵێم به‌ڵام دڵنیابن ڕۆژێك دێت ئینشائه‌ڵا هه‌موویان بۆ باس ده‌كه‌م و ناوی ئه‌و خائینانه ده‌هێنم.به‌ڵام هه‌میشه شانازی ده‌كه‌م به‌یه‌كێتی و ڕێبازه‌كه‌ی جه‌نابی مام جه‌لال،ئه‌وه‌ی ئه‌مڕۆ هه‌ندێك له‌یه‌كێتیه‌كان به‌ناوی یه‌كێتیه‌وه ده‌یكه‌ن ڕێبازی مام جه‌لال و یه‌كێتی ڕاسته‌قینه نین.”
سەرچاوە دەنگی ئەمریکا
لە گەرمەی هێرش و شەڕی نێوان ئیسرائیل و ئێران، کتێبێک لەسەر پێوەندییەکانی ئەو دوو وڵاتە چاپ و بڵاو بۆوە
هێرشی ئاسمانی ئێران بۆ سەر ئیسرایل، عوسمان کەوکەبیشاد
ڕەنووی منداڵێکی ساوا، دڵکەش قادر
پیاسە تسکە، ئیلهام موڕادی
مەتەڵى پەیوەندى و ناکۆکیى ئێران و ئیسرائیل، عارف قوربانی
خەڵاتگـرانی خەڵاتی نـۆبـڵی منـداڵان لە ساڵی ٢٠٢٤.. رەزا شـوان
ئەنفال، ئێرەبوو دوا ویزگەی ژیانت “گەردە مامە حەمە “، عەلی مەحمود
14-4 كێ كردی بە ڕۆژی ئەنفال ؟، عەلی مەحمود
بۆچی هێرشی بەربڵاوی مووشەکی و دڕۆنی کۆماری ئیسلامی لە دژی ئیسرائیل سەرکەوتوو نەبوو؟، شاهۆ فەرازمەند
ویدیوی سخنگوی ارتش دفاعی اسرائیل و فەرماندهان سپاە و ارتش ایران
یەکەم هێرشی راستەوخۆی کۆماری ئیسلامی ئێران بۆ سەر ئیسرائیل
بڕیاری مێژوویی، ڕۆژی ١٠ی ئاوریلی ١٩٩٧ی زایینی کۆماری ئیسلامی مەحکوم کرا، شەماڵ تەرغیبی
گـرنگـییەکانی چـیرۆک لە گـۆڤـارەکانی منـداڵان.. رەزا شـوان
لە بیرەوەریی پێشمەرگەیەکدا”بەشی چوارەم”، عەزیم ئەلیاسی
ئازاری ژن بوون لەتێکۆشانی کۆمەڵەو پەکەکەدا، غازی حەسەن- ئیرادەی گەل، عوسمان کەوکەبیشاد
(وتار – وتارۆکه – نامیلکه) له پهراوێزی هۆنراوهی (مهولهوی)دا ؟!، سەعی سەقزی
ڕاگەیەندراوەی هەنگاو لەسەر هەڕەشەی کوشتنی ئەندامەکانی لەلایەن ناوەندە ئەمنییەکانی کۆماری ئیسلامیی ئێرانەوە
خالد عزیزی در کنفرانس جمهوری خواهی در سالگرد اعلام همگامی برای جمهوری سکولار دموکرات در ایران در کلن – آلمان
لە بیرەوەریی پێشمەرگەیەکدا، بەشی سێهەم.، عەزیم ئەلیاسی
ڕاگەیەندراوی ناوەندی بەڕێوەبەریی حیزبی دێموکرات بەبۆنەی: کۆچی دوایی کاک هاشم کەریمی
مۆنـۆلـۆگ و مۆنـۆلـۆگی منـداڵان.. رەزا شـوان
هەڵبژاردنەکانی خۆجەیی لە تورکیا، عوسمان کەوکەبیشاد
دوو هەڵکەوت لە دوو ڕۆژی مێژوویی، عەلی هاشمی 
ڕاســـــتـــــــی تــــاڵـــــــــە، مەلا ئیبڕاهیمی مەجید پور
رۆژی جیهـانی کـتـێـبی منـداڵان.. رەزا شـوان
عێراق پاسپۆرتی سهركرده و ئهندامانی حیزبه كوردییهكانی ئۆپۆزسیۆنی ئێران پوچهڵ دهكاتهوه
یادێک لە رۆژی شەهیدانی کوردستان، عوسمان کەوکەبی شاد
ڕێزگرتن لە شەهیدان، وەفاداریە، نەك دواکەوتوویی و لادان لە ڕێبازی سیاسی، محمد سلێمانی
ئەدەب و رەخـنە دوو رووی دراوێـکـن.. رەزا شـوان
صدای امریکا، اختصاصی: افشای پرونده‌های جدید فساد چندین میلیارد دلاری؛ «خودی‌ها» علیه «خودی‌ها»؟- دکتر انوشه و در حسرت سماق بدون (ق) برای سفره هفت سین، سەعی سەقزی
شۆڕشی ژیان و ڕێگای کۆمەڵگەی کوردی بۆ ڕزگاری، حەسەن قارەمانی
گوشه نگاهی به سریال سنجرخان، اردلان بهروزی
خوێندنەوە کتێب: ناسیۆنالیزمی کوردی، لە ڕوانگەی کۆمەڵێک توێژەرەوە، بەرگی دووەم ، هەڵۆ بەرزنجەیی
ابعاد تازه از زمین‌خواری امام جمعه تهران؛ صدیقی باغ اُزگُل را ۱۵۰ برابر زیر قیمت منطقه به نام خودش زد.
چـیرۆک بـۆ منـداڵان، کامـەرانی ئـازادیخـواز .. رەزا شـوان
جەژنی نەورۆزی ٢٧٢٤ ی کوردی پیرۆز بێت، عوسمان کەوکەبی شاد
لە تیرۆرکردنی کولتوری کوردی بۆ تیرۆرکردنی نەورۆز، هانا چۆمانی
شەڕی سایبەری و شەڕی ئەلیکترۆنی چییە؟ هەژار برینجی
کۆماری ئێسلامی و قڕ کردنی هەڵەبجــە، سدێق بابایی
لە ئێران هەژاری چۆن بە مەبەست جێبەجێ کرا!، کاک سەیدە
چەند وشەیەک بۆ مەرگی (پۆڵا نانەوازادە)ی شاعیر، هەڵۆ بەرزنجەیی
وازهێنانی ئەردۆغان لەنێوان ڕاستی و تاکتیک دا؟!!، و. هەڵۆ بەرزنجەیی- تــــێــــــشــــوی ڕەمـــــەزان ، مەلا برایم مەجید پوور
هەڵبژاردن، هەڵبژاردە ، هەڵبژێرەر و خۆهەڵبژاردە!؟، برایم فەڕشی
بۆ هەشتی مارس، سوهەیلا مێهەمی
یادێک لە نەسرین قاسملوو ” هلێنا قاسملوو” لە ساڵڕۆژی مەرگیدا- چاوم تاسەمەندی بەژنی دولبەر، ئیلهام موڕادی
پەیامی ناوەندی بەڕێوەبەریی حیزبی دێموکراتی کوردستانی ئێران بەبۆنەی ٨ی مارس، ڕۆژی جیهانیی ژنەوە
ئەرێ راپەڕین ئەندازیاری هەبوو؟، عەلی مەحمود
زمانی کوردی ناسڕدرێتەوە، ئا: ئیدریس هاشمی
گهشتێ به (سێبهری قهلهبهرد)دا، به‌شی شەشەم، سەعی سەقزی
اختصاصی؛ افشای اختلاس ده‌ها میلیون دلاری با استفاده از «سوئیفت‌های صوری» در قرارگاه خاتم سپاه
ناوەندی بەڕێوەبەریی حیزب: دیسانەکەش دەنگی بەرزی “نا”ی خەڵک بەسەر تەواوەتیی ئیرادە و دەسەڵاتی ڕێژیمدا سەرکەوتەوە
انتخابات در ارومیه و بررسی چند احتمال، هێمن سەیدی
رۆژهەڵاتی کوردستان، بایکۆتی هەڵبژاردنیان کرد- گهشتێ به (سێبهری قهلهبهرد)دا، به‌شی پێنجەم، سەعی سەقزی
کۆچی دوایی پۆڵا نانەوازادەی شاعیر و شۆرشگێڕ
یادێک لە قارەمانەکانی لکی١ی هێزی ئاوارە(قەندیل)، عەلی هاشمی
راوێژکارێکی بافڵ تاڵەبانی: مامەڵەکردن لەگەڵ کامپی ئازادیی کۆیە پەیوەستە بە رێککەوتنی بەغدا و تاران
دەربـارەی رۆمـان و رۆمـانی هـەرزەکاران.. رەزا شـوان
ڕۆ گەردوونی زوانی ئەڎایی جە گردلایەتا پیرۆز بۆ، موختار کەریمی- گهشتێ به (سێبهری قهلهبهرد)دا، به‌شی چوارەم، سەعی سەقزی
“خەندەق”، شوورە یان شوورەیی!، قادر لوقمان خورشید
شانۆی هەڵبژاردن، مەلا برایم مەجید پوور
درهو: یهكێتیی لهرێگای كۆمپانیایهكهوه دهیهوێت دیوارێك به دهوری قهڵای دیموكراتدا له كۆیه دروستبكات.
شەڕی ڕاستەوخۆی ئێران و ئامریکا چەندە ئیمکانی هەیە؟! ، ئاسۆ ساڵح- یەکگرتوویی و بوێری لە شانۆی هەڵبژاردنەکادا، حەسەن قارەمانی
کوردستانیانی هێژا، هاونیشتمانییانی خۆشەویست، سەلیم حەقیقی
کاتی لێدانی ئێرانە
بیلسترۆم (وەزیری دەرەوەی سوید)، لەسێدارەدانی کوردان لە ئێران مەحکووم بکە، نەرگس و ئیدریس هاشمی
خوێندنەوەیەک بۆ کتێب: پرۆژەی لەچاپدانەوەی بڵاوکراوەکانی پاسۆک، هەڵۆ بەرزنجەیی
دەنگ نادەین بە بکوژانی ڕۆڵەکانمان!، ئیدریس هاشمی
شەهیدانمان رێبەرن ، (وێنەی شەهیدان) سەربەست ئورمیە
دوکێومێنتاری” دیکتاتۆرییەت لە ئێـران”
سـلـێمانی له ئەفـسانەی نیشـتـمان پەروەرێـكـدا.. سـەردار قـادر
چەكداركردنی منداڵان وەك تاوانی جەنگ- گهشتێ به (سێبهری قهلهبهرد)دا، به‌شی سێیهم، سەعی سەقزی
ویژه برنامه: مستند «دفاع از کرامت» کولبران
