هاوڕێیان ئەم بابەتە لە ۱۲ بەشی کورت پێکهاتوە سەبارەت بە چۆنیەتی دەرباز بوونمان لە قوناغی ئێستا لە چوارچێوەی رێکخرو دا بۆ سەرخستنی خەباتەکەمان. ئەم ۱۲ بابەتە کورتە لە ڕێگای ماڵپەری پێشمەرگەکان لە یەک بەش دا دەخرێتە بەرچاوی ئێوەی ئازیز وێڕای سپاس بۆ ماڵپەڕی پێشمەرگەکان هیوادارم بە سود بێت بۆ خوێنەران.
۱ـ بۆ سەرخستنی شۆڕش
بۆسەرختنی شۆڕش لە ڕۆژهەڵات و ڕزگار کردنی نیشتمان و بەدی هێنانی ئازادی پێویستە تۆکمەتر لە جاران هێزو توانای خۆمان لە هەموو بوارێک بخەینە گەڕ.
وەگەڕخستنی هێزو توانای ئێستای گەلی کورد لە چوارچێوەی حیزب و دواتر شۆڕش پێویستی بە بەڕێوەبەری سەرکەوتوو هەیە.
بەڕێوەبەری سەرکەوتوو لە ئاکامی نوێبوونەوەو سەردەمی بوون بە زانستی و زانابوون لە هەمان کات دەبێ ئاوێتەی ورەی شۆڕشگێرایەتی بێت.
گەلێکی ڕاپەریو لە نەورۆز و ناڕەزایەتی دەربڕین بۆ کۆڵبەرو شادی بۆ ڕیفراندۆم و حەماسە خولقێنەری هاوکاری کرماشان لە لایەک خوێنی ئاڵی شەهیدانی ڕاسان و هێزی پێشمەرگەی قارەمان لە شاخەکان لە لایەک ئامادەی وەگەڕخستنی ئەو هێزە گەورەیەیە ئەگەر بەڕێوەبەری سەرکەوتوو هەبێت!!!
هەمیشە گووتومە و دەڵێم بەڕێوەبەرایەتی ئێستا شەڕەفی شۆڕشگێری و بەردەوامی شۆڕش و بەرز ڕاگرتنی ئاڵای شۆڕش و قوربانیدانی چەندین و چەند ساڵەی هەیە کە وێڕای کڕنۆش بردن بۆی بە سەنبولی گەلەکەمان دەزانم. بەڵام ئەگەر ئەو باوەڕە شۆڕشگێریە بە ڕێبەرایەتیەکی لێزان و لێهاتووتر ئاوێتە نەبێت ئاکامەکەی ئەمڕۆ دەبێت کە لە ئاستی پێویست دا نین.
لە هەمان کات دا بە گرنگی دەزانم بڵێم بە تایبەتی لە سەرماوەزی پێشمەرگەی گیانفیدا دا مەرجی بەردەوامی خەبات و شۆڕش ئەگەر بوە پۆست و دەنگ، ئەوا لە فەلسەفەی وجودی پێشمەرگە بۆ شۆڕش دور دەکەوینەوە، لە ناخ دا هەڵپەرستی و بەرژەوەندی خوازی گەشە دەکات کە بەر لە هەموو شتێک و کەسێک زیان بە شۆڕش دەگەینێ و ڕێگرە لە دروست بوونی بەڕێوەبەریەکی سەرکەوتوو.
ئەگەر سەیری مێژووی خەباتی خۆشمان بکەین وێڕای هەبوونی تابلۆی گیانفیدای و قارەمانێتی بەڵام کەمیش نین ئەوکاتانەی خەسارمان تێکەوتوو بە هۆی بە مەرج بەردەوام بوون لە شۆڕش دا.
ئێمە دەبێ سەیری چواردە ملیۆن کوردی بن دەستی داگیرکەر بکەین ئێمە دەبێ ئەو کوردستانە جوانەی ژێر چەکمەی پاسدار ببینین. ئەو کات زیاتر هەست بە گەورەی و پیرۆزی ئەو ئەرکەی هەڵمان گرتووە دەکەین. ئەو دەم دەبینین ئەگەر شانازی خەباتمان بۆ کوردستان پێ بڕاوە دەبێ کارێک بکەین شۆڕش ببوژێینەوە تا سەربکەوێت چاکسازی و باشتر کردن و بەرەو پێش بردنی بەڕێوەبەری ئەرکمان دەبێت. چونکە ئامانجی ئێمە خەبات کردن بۆ سەرکەوتنە نەک خەبات کردن لە پێناو خەبات دا.
باش دەزانم لە گۆڕەپانێکی وەها دا کەس ناڵێ کە من خرابم هەموو کەسێک بە گوێرەی خسلەتی ئینسانی خۆی پێ لە هەموو کەسێک باشتر دەزانێت کە مافێکی سروشتیە و جێگای ڕێزە. بەڵام ڕێگەی بەرئاورد و لێکدانەوەو مێژووی ڕابردووی کارو تەجروبەمان دەتوانێ نیشان بدات کە چەندە سەرکەوتوو بوین لە بوار و کاری خۆمان دا، ئەوە یەکێک لە فاکتەرەکانە هەمووی نیە. ئەگەر سەرکەوتوو بوە ئەوە دەبێ بە هەموو لایەکمان پشتیوانی بکەین ئەگەر نا پێویستە شانسی تر تاقی بکەینەوە. ئەوەندە ئاسان.
بێ گومان کە دەڵێم بەڕێوەبەری سەرکەوتوو مانای ئەوە نیە بۆ دەرباز بوون تەنیا پێویستیمان بە ڕووخساری نوێ هەیە بەڵکو لە هەمان کات دا چوارچێوەو ساختارو ڕێساو و یاسای نوێش پێویستە، ئەوە ئەسلێکی پێشکەوتنی کۆمەڵگا و حیزب و شۆڕشە کە سەردەم پێش دەکەوێ پێداویستی نوێ دێتە کایەوە ئەوانە سەرکەوتوو دەبن کە لە گەڵ سەردەم و پێداویستیەکانی خۆیان دەگونجێنن.
بەڵام هەمووی ئەوانەش کاتێک دێتە دی کە لە چوارچێوەی یاسا و ڕێز دا بیروو بۆچوونی خۆمان بگەینین ئەو کات ئەگەر هەمیشە وا نەبێتیش بەڵام زۆر جار هەبووە کە زۆرینە حوکمی باشی داوە ڕێز لە حوکمی زۆرینە بگرین تەنانەت ئەگەر بە دڵمان نەبوو.
۲ـ مێژوو تۆمار بکەین
بێ گومان لە کات و ساتی هەستیار و چارەنوس ساز دا ئەوە هەڵبژاردنەکانن کە دەتوانن چارەنوس بگۆڕن و مێژوو تۆمار بکەن.
ئەو هەڵبژاردنانە چ بە ئەرێنی و چ بە نەرێنی کاریگەریان لە سەر داهاتوو دەبێت، واتە ئەوە هەڵبژادنەکانی ئێستای ئێمەن کە داهاتوو دروست دەکەن.
ئەو پڕۆسەیە لە ژیانی کەسی و ڕێکخراوەی دا سەلمێنراوە، بەو جیاوازیە ئەگەر لە ژیانی کەسی دا کواڵێتی هەڵبژاردنمان باش نەبێ خۆمان و ئەو پەڕەکەی دەورو بەرمان زیان دەکات. بەڵام لە لە ژیانی ڕێکخراوەی دا بەتایبەت ئەگەر بڵێین ڕێکخراوەیەکی وەک حیزبی ئێمە کە چارەنوسەکەی بە شۆڕشی ڴەلێکەوە گرێداروە ئەگەر هەڵبژاردنمان باش نەبێت ئەوا کاریگەری لە ژیان و چارەنوسی شۆڕشێک دادەنێت.
لەو سۆنگەیەوە لە حیزبێکی دێموکرات دا سەرەڕای ڕووی ڕەخنە و داخوازیەکان لە ڕێبەریە، بەڵام بەرپرسیارەتی سەرەکی لە سەر دەنگدەران و ئێمەمانانە چونکە ئەوان هەڵبژێردراوی ئێمەن.
دەبێ قەبوڵ بکەین بەو شێوەیە لە باشیەکان و کەمترخەمیەکان ئەگەر بە ئەندازەی ڕێبەرایەتیش نەبێت بەڵام دیسان هەر بەرپرسیارن. چونکە هەموو ئەوانەی هەڵدەبژێردرێن ڕەنگدانەوەی ئیرادەی ئێمەن. لەوانەیە ئەوە ڕێژەی نیسبی هەبێت بەڵام ناکرێت حاشا لە گرنگی هەڵبژاردنەکانمان بکەین.
بۆ بەرز کردنەوەی کواڵێتی هەڵبژاردنمان فاکتەرگەلێکی جیاواز کاریگەرن لەوانە یاسا و ڕێسای هەڵبژاردن و پێگەیشتووی سیاسی و زانستی دەنگدەران و هەبوونی کاندیداو کەسی پسپۆڕ و لێهاتوو.
بەڵام پێم وایە لە قوناغی ئێستا دا هەڵسوکەوتی ئێمەمانان (بەدەنە) کاریگەریەکی زۆری هەیە، بۆ ئەو بابەتەش ئێمەمانان دەبێ بەو پێوەرەی کە ڕێبەری نەمر دکتۆر قاسملوو لە سەر چۆنیەتی کادری حیزب کردویەتی بجوڵێینەوە.
دکتۆر قاسملوو ئاوا لە سەر کادری حیزب دەڵێ:
“کادری ئێمە هەموو وردەکاریەکانی تێکۆشانی ڕۆژانەی لە سەرەوەڕا بۆ دیاری ناکرێ چونکە ئینسانێکی سەربەخۆیە، دەبێ فکر بکاتەوە خەلاقیەت و لێشاوەیی خۆی وەگەڕ بخات، ئیبتکار بنوێنێ. کارەکانی لە چوارچێوەی بڕیارەکانی ئورگانی خۆی جێبەجێ بکات“
واتە دەبێ ئینسانێکی سەربەخۆ بین لە بیرکردنەوەو هەڵبژاردن دا، دەبێ هەر چاومان لەوەی نەبێ کە بزانین سەروە چ نوسخەیەکی پێیە بەڵکو ئێمەش خاوەن پڕۆژەو بیر کردنەوە بین، دەبێ فێر بین سەرەڕای هەر جیاوازیەک و بەرژەوەندیەک پاڵپشت و دەوڵەمەند کەرەوەی پڕۆژەو بیرۆکەکان بین، دەبێ بە ئستیدلاوە خاوەنی هێزی دەڕبرینی بیرۆکەی خۆمان بە ئەرێنی یا نەرینی لە سەر بابەتەکان بین. هەمووی ئەوانەش لە چوارچێوەی یاساو ڕێسا دا ئەنجام بدەین و بەرینە پێش.
خاڵێکی تری گرنگی هەڵبژاردنەکانی ئێمە دوبارەکردنەوەی هەڵەی ڕابردوویە، واتە دەبێ چاو کراوە بین ئەگەر دڵنیاین و زۆر ڕوون ئاشکرایە کە هەڵبژاردنی هاوڕێیانمان لە ساڵەکانی ڕابردوو نەیتوانیوە چاوەڕوانیەکان جێبەجێ بکات یا خەسارەکان بڕەوێنتەوە یا بۆ سەردەمانێک زۆر باش و بۆ ئێستا وەڵامدەرەوە نیە دەبێت بە هەند وەربگرین کە هەمان هەڵە دوپات نەکەینەوە. هەمیشە شانسی نوێ و مەنتقی تاقی بکەینەوە بۆ گەیشتن بە لوتکەی سەرکەوتن.
ئەگەر هەڵبژاردنی ئێمە کاریگەری لە سەر داهاتووی شۆڕش دەبێت کە واتە بۆ هەر هەڵبژاردنێک کە دەکەین بەرپرسیارەتی خوێنی هەموو شەهیدان، شەونخونی و خەباتی شۆڕشگێڕان، ئاوارەی و کۆڵەواری ئازادیخوازان، قارەمانێتی و قوربانی پێشمەرگەکان، بەخت ڕەشی چواردەملیۆن کوردی ژێر دەستەی داگیرکەر، داهاتووی نەوەکانی ئێمە و ڕزگاری کوردستانی ڕەنگین و داگیرکراومان لە سەر شان بێت و وەک داوەری ویژدانی ئێمە کاریگەر بێت.
لە بیریشمان نەچێت سەرەڕای هەموو شتێک لە کۆتایی دا دەبێت ڕێز لە هەڵبژاردنی زۆرینە بگرین و ببین بە پاڵپشت و پشتیوان بۆ سەرخستنی شۆڕش.
بەوشێوەیە له کاتی هەستیار دا دەبین بەخاڵی وەرچەخان و گۆڕانکاری پۆزتیو، مێژوو تۆمار دەکەین، چونکە هۆکاری خاڵی وەرچەرخان بووین.
۳ـ ئامادەکاری و گۆڕانکاری شەفافانەی چەند دۆسیەی گرنگ.
بێ گومان ڕەوتی مێژوو و هێزی قوربانی دان و ترسی دوژمن و زۆر فاکتەری تر هەن کە دەسلمێنێن حیزبی دێموکراتی کوردستانی ئێران حیزبی پێشڕەو کاریگەری بزوتنەوەی کورد لە ڕۆژهەڵاتە( وێڕای ڕێزم بۆ خەبات و قوربانی دانی هەموو لایەک کە جێگای ڕێز و پڕ بایەخە).
پێشڕەو بوون تەنیا بە دروشم نابێت، دەبێ لە کردەوەو پلان ڕێژی و ئاراستە کردنی بزاڤی ڕزگاری خوازی دا خۆی بنوێنێ دەبێ چالاک و خاوەن تێز و بەرنامەی سەردەمی و هاوتەریبی خواستەکانی خەڵک بی تەنانەت بۆ بابەتەکان دەبێ فوڕموڵی دیاری کراو و شەفافت هەبێت.
هەر بۆیەش حیزب دەبێ بە شێوەیەکی زۆر جیدی کار بۆ چەند دۆسیەی گرنگ و چارەنوس ساز بکەت دەبێ میکانیزمی دیاری کراوی بۆ دابڕێژێ و بە ئاگاداری خەڵک بگەینێ و ببێتە بنەمایەک بۆ دانوستاندن و گفتوگۆ و باکگراوندی کار کردنی ڕێبەرایەتی بۆ ئەوەی هەم بابەتەکان بە شێوەیەکی پڕاگماتیکی بچنە پێش هەم خەڵکیش ئاگادار بێت کە حیزب چی دەکات ئەوکات ئەگەر کەمتەر خەمیەک هەبێت خاوەنی کەمتر خەمیەکە بۆ خەڵک و ئەندام و لایەنگرو دونیا ڕوونتر دەبێت.
ئەگەر نمونەیەک بهێنمەوە بۆ ڕوونتر بوونی بابەتەکە بابەتی پێکهێنانی بەرە ئاماژە پێ دەکەم، هەموو لایەنەکان خۆیان بە خەمخۆر و تەنانەت قوربانیدەر بۆ پێکهێنانی بەرە لە ڕاگەیاندنەکان نیشان دەدەن تەنانەت هەر زۆریش ئامادەن بەڵام بەرە پێک نەهاتووە. هەر بۆیەش ئەگەر حیزبی ئێمە کە دەزانم زۆر جار بۆ ئەو بابەتانە لە خۆ بوردەییش نیشان داوە بە میکانیزمێکی شەفاف و ئاشکرا بە خەڵک بڵێ من بەو میکانیزمەی ئامادەی پێکهێنانی بەرەم ئیتر ئەگەر پێک نەهات دەزانین ئەوە کەمتر خەمی حیزبی پێشڕەو نیە.
ئەو دۆسیانە کە دەبێ بە میکانیزم و نەخشە ڕێگا ئامادە بکرێن بە شێوازی خوارەوەن.
۱–دۆسیەی گۆڕینی ستراتیژی و داخوازی حیزب لە دێموکراسی بۆ ئێران و فیدڕاڵی بۆ دیاری کردنی مافی چارەنوس لەلایەن خەڵکی کوردستان.
۲–دۆسیەی پێکهانی پلاتفۆرمێکی هاوبەش لە نێوان لایەنە سیاسیەکان بۆ پێکەوە کار کردنێکی کاریگەری لایەنەکان.
۳ـ دۆسیەی یەکگرتنەوە دەبێ ئەو میکانیزمە ئامادە کراوەو شەفافە هەبێ کە نەخشە ڕێگای دیاری کراوی بۆیەکگرتنەوە نیشان دەدات ئەودەم بۆ خەڵک دیاردەبێت کەمتر خەمیەکان لە کێهە لایەوە.
ئەوە باش دەزانم کە لە ئەو دۆسیانە حیزبی ئێمە وەک لایەنێکەوە دەبێ دانوستاندن و موافەقەتی لایەنەکانی تریشی لە گەڵ دابێ هەروەها ئەو کارە پێویستی بە پڕۆسەیەک هەیە. بەڵام کاتێک زۆرترین چاوەڕوانی لەلایەک هەیە دەبێ پڕۆژە دیاری کراوی شەفافی وەک بناغە هەیبێ ئەو کات خاڵە هاوبەش و جیاوازەکان دەردەکەوێت و گەیشتن بەئاکام ئاسان تر دەبێت تەنانەت ئەگەر ئاکامی پێویستیش بە دەست نەهات ئیتر خەڵک دەتوانێت باشتر بڕیار بدات کەم هێز و لایەن زیاتر کەمتر خەم بوە.
٤ـ ساختار بەڕێوەبەری سەرکەوتوو بەرهەم دێنێت یا بەڕێوەبەری سەرکەوتوو ساختاری پێویست دروست دەکات!!!!؟
پێم وایە وەڵامی ئەو پرسیارە باسێکی زانستیە، لە هەمان کاتیش دا بیرو ڕاکان لە سەری جیاوازن وەک کۆمەڵگایەکی سەرکەوتوو نوخبەی سەرکەوتوو دروست دەکەن یا نوخبەکانی کۆمەڵگا ئاراستەی کۆمەڵگا بەرەو پێش کەوتن دەبەن.
بەڵام بۆ بارودۆخی ئێستا بە کەڵک وەرگرتن لەهەندێ نمونەی مێژووی بە دوای وەڵامێک دەگەڕێین ئەگەر وەڵامی تەواو و ڕاستی بابەتەکەش نەبێت لانی کەم چوارچێوەی دیتنی بابەتەکە فراوان بکەین، چونکە دەبینین دەستەواژەکان دەبنە بنەمای بانگەشە بێ ئەوەی خاوەن ناوەڕۆکێکی دەوڵەمەند یا ڕوونکەرەوە بن. هەڵبژاردن لە سەر بنەمای دەستەواژە ناتوانێت بە تەنیا وەڵام دەرەوە بێت دەبێ سەیری ناوەڕۆکیش بکەین. واتە ئەو کاتەی دەڵێین ئەو ساختارە پەروەردە باشتر دەکات شی بکەینەوە چۆن یا ئەگەر دەڵێین ئەو ساختارە نادێموکراتیکە دەبێ شی بکەینەوە بۆ؟
بە دەست هەڵگرتن لە دەستەواژەکان و شی کردنەوەی چۆنیەتیەکان دەتوانین باشتر بە نەتیجە بگەین.
بە چاوخشاندنێکی خێرا بە سەر مێژووی پڕ سەروەری حیزب دەبینین، قەوارەی ژێکاف جیاوازە لە شوڕشەکانی پێش خۆی ئەویش بە هۆی هەبوونی توێژێکی ڕووناکبیر لەو پێکهاتەیە.
گۆڕانی ژێکاف بۆ حیزبی دێموکرات دوای هاتنی پێشەوای نەمر ڕوودەدات واتە بە حیزب بوونی ژێکاف لە ڕووی پێویستی سەردەم و کەسایەتی پێشەواوە توانی ببێتە سەرەتای گۆڕانکاریەکی تر.
دواتر ئەوە لە کۆنفڕانسی سێیەم دایە بە هۆی ڕێبەرایەتی شەهید دکتۆر قاسملوو بەرنامەو ئەساسنامەیەکی نوێ پەسند دەکرێت و قەوارەی حیزب دوای ساڵنێک کە ناڕوونی و شپرزەی پێوە دیار بوو ڕێک دەخرێتەوە.
لە کۆنگرەکانی دوای شۆڕشی گەلانی ئێران و دواتر تا کاتی شەهید بوونی ڕێبەرانی حیزب، حیزب نوێبوونەوەو و فراوان بوون بە خۆیەوە دەبینێ بە جورێک کە بە دەیان هەزار کادرو پێشمەرگە لە شاخەکانی کوردستان خەبات و تێکۆشان دەکەن.
ئەو قەوارەی ئێستا چ لە ڕووی کاراکتەرە سیاسیەکان و چ لە ڕووی ساختار بە هەندێک گۆڕانکاریەوە بە جێ ماووی ساڵەکانی ڕێبەرانی شەهید دکتۆر قاسملوو و شەڕەفکەندیە.
بەو چاوخشاندنە خێرایە دەبینین ڕۆڵی بەڕێوەبەرانی سەرکەوتوو لە داهێنانی ساختاری پێویست دا جێگای سەرنجە هەر بۆیەش بە جورێک ڕێبەرانی سەرکەوتوون کە ساختاری پێویست بۆ بارودۆخی نوێ دادەهێنن.
لە هەمان کات دا نابێت لە بیر بکەین ساختاری نوێی سەرکەوتووش دەبێتە هۆی فراوان بوون و نوێبوونەوە.
لەو باوەڕەدام باردۆخی ئێستا پێویستیەکی بە هەر دوو جۆر هەیە واتە وێڕای هەندێ گۆڕانکاری و داهێنانی نوێ لە ساختار دا هەبوونی بەڕێوەبەرانی نوێ و نوێ بوونەوەو فراوان بوون پێویستیەکی حاشا هەڵنەگرە. چونکە داهێنانی ساختاری نوێ بە بەڕێوەەرانی ڕابردوو، یا هەبوونی بەڕێوەبەری نوێ بە ساختاری کۆن لایەکیان دەشلێ.
ئەگەر بەو چوارچێوەیە بەرەو گەنگەشەی بابەتەکانی ڕۆژەڤی ئێستمان بڕۆین دەتوانین بە هاوفکری و گفتوگۆیەک بە نەتیجەی پێویست بگەین. جیا لەوە ڕێگەیەکی ترمان لە بەر دەست نیە چونکە شۆڕشی ئێستای گەلەکەمان واتە ڕاسان وا دەخوازێ کە ئێمە لە هەموو بابەتەکانەوە خۆمان ئامادە بکەین.
چۆن پەروەردە و جێگیر کردنی پێشمەرگە زۆر گرنگە، خرۆشاندنی شاریش پێویستیەکی شۆڕشی ئێستایە.
چۆن گەیاندنی دەنگ و ڕەنگ و فەلسەفەی خەباتمان بە خەڵک گرنگە، فراوان کردنی پێگەی تەشکیلاتیمان بە هەموو جورەکانیەوە پێویستیەکی تری شۆڕشی ئێستایە.
چۆن هەبوونی میکانیزیمی شەفاف و ڕوون بۆ یەکگرتنەوەو و یەکڕێزی و هاو خەباتی لایەنی کوردی زۆر گرنگە، پەیوەندی و گەیاندنی دەنگی شۆڕش بە دونیا پێویستیەکی تری شۆڕشە.
واتە سەرخستنی ڕاسان تەنیا کاتێک مسۆگەر دەبێت کە هەمووی ئەوانە هاوتەریب و هەماهەنگ لە گەڵ یەکتر بەرەو پێش بڕۆن ئەگەر نا ئەستەمە.
بۆ ئەوەی هەمووی ئەو فاکتەرانەش هاوتەریب و هەماهەنگ سەربکەون پێویستیمان بە نوێبوونەوە لە ساختار و بەڕێوەبەران بە شێوەیەکی ئەرێنی و لۆژیکی و کاریگەر هەیە.
لە هەمووی گرنگتر هەنگاوی سەرەتای بۆ ئەو بابەتە دیالۆگ و لێک تێگەیشتن و شی کردنەوەی ناوەڕۆکە نەک بۆ دژایەتی یەکتر کردنی یەکتر بە دوای دروشم و بیانوو گەڕان.
٥ـ هاواری دێرینمان
هاواری دێرینمان بۆ ئامادەی و بەهێز بوونمان بۆ دروست کردنی گۆڕانکاری لە وڵات و خۆمان دا، یا لانی کەم لە کاتی گۆڕانکاریەکان ئامادە بین ڕوون و ئاشکرایە.
ئاماژە کردن بە هەبوونی پتانسیلێکی گەوەرەی شۆڕش دژی دیکتاتۆری و بە تایبەتی دوای نەورۆزی ڕابردوو ئێمەی ماندوو کرد.
باس کردن لە ڕۆڵی ڕێبەرایەتی کارامە بۆ ئاراستە کردنی ئەو پتانسیلە بەرەو کەناری ڕزگاری ئێمەی وەک کەسێک کە هەر دووبارە دوبارە دەکاتەوە نیشان دا.
هیوامان وایە ئەو ڕووداوانەی ئەم ڕۆژانەی ئێمەی ڕاچلەکاندبێت و ئیتر ئەو هاوارەی ئێمە بە هەند وەربگیرێت لە لایەن ئێمە مانانەوە کە ڕۆڵی سەرەکیمان لە دیاری کردنی ڕێبەرایەتی هەیە،
چونکە چەندە هەبوونی ئالترناتیوێک بۆ کۆماری ئیسلامی لە کۆردستانی داگیرکار خالیە زۆر بە ڕوونی دیارە.
ئالترناتیوێک کە خەڵک پەناییان بۆ ببات بۆ ئەوەی لە چنگی ئەو ستەمکارە ڕزگار بێت.
ئێستاش پێم وایە جەوهەری حیزبی دێموکرات پڕۆگرام و پلان و هێز و پێگەی ڕەوایی لە مێژوو و ئێستا دا دەتوانێ باشترین ئالترناتیو بێت بۆ داهاتوو بۆ ئەوەی دوبارە شوڕش نەدزرێت. (بێ گومان حیزبیش بە هاوکاری و هاوئاهەنگی هەموو هێزو لایەنەکانی تر دەتوانێ ئەو ڕۆڵەی خۆی بگێڕێ).
حیزبیش چاوی لە ئێمەمانانە بۆ کار کردن و هەڵبژاردنێکی دروست کە هەڵەکان دوبارە نەکاتەوە.
٦ـ گەورە کردنی گوتاری سادەی خاوەن پۆستی گرنگ.
سەرەتا دەمهەوێ بڵێم
لە لایەک لە بەرانبەر ویژدانی کوردایەتیم شەرمەزارم چونکە ئێستا تەنیا کاتی کار کردنە بۆ پشتیوانی لە شۆڕش و کۆمەڵانی خەڵک و ویست و داخوازیان، هەروەها کاتی بەهێز کردنی هێزی پێشمەرگە و پاڵپشتی کردنیانە.
لە لایەکیش پێم وایە بۆ ئەنجام دانی هەر چی باشتری ئەم داخوازە ڕەوایەو ویژدانیە، دەرباز بوونە لە قوناغی ئێستا.
بۆیە بۆ دەرباز بوون بە کورتی دەنوسم، بە سود بوون یا نەبوون گرنگ نیە، بەڵام هەر ئەوەی کە دەنوسم پێم وایە باش بێت.
نەخۆشیەکی گرنگی ئێستامان گەورە کردنی گوتاری سادەی خاوەن پۆستی گرنگە.
واتە ئەگەر فڵان شەخس بە هۆی هەبوونی فڵان پۆست هەرچی بڵێ گرنگی پێ دەدرێ و هەر ئەو بە بناغەو ئەساسی هەموو بابەتێک وەردەگرن.
واتە پێش ئەوەی بیر بکەنەوە کە چی گوتراوە چۆن گوتراوە بۆچی گوتراوە لە کوێ گوتراوە چاو لەوەی دەکەنەوە کێ گووتیەتی ئەگەر فلان بەرپرس یا خاوەن فلان پۆست گوتبێت ئەوە گرنگی پێ دەدەن تەنانەت ئەگەر بابەتێکی زۆر سادەش بێت.
لە بەرانبەر دا ئەگەر تاکێکی سادە بیر و هزرو فورموڵ یا پڕۆژەیەکی چەند گەورەو مەنتقی و لۆژیکیش پێشکەش بکات گرنگی پێ نادرێت و تەنانەت بە هەندیش وەرناگیرێ.
لە بارودۆخێکی وەها دا کە کەسی گرنگ و بە گوتارێکی سادە لە کەسی سادە بە گوتارێکی پێشکەوتوو پێشی دەگرێت.
پۆستەکان نەک بۆ کار کردن و خزمەت کردن و یا بەرەوپێش بردن یا دامەزراندنی بیرۆکەیەک بەکاردەهێنرن بەڵکو بۆ ئەوەی بڵێت من هەم بەکار دەهنرێت.
ئاکامەکەی دەبێتە ڕۆژگاری ئەمڕۆی سیاسەتی کوردی.
ئەوەش بەرهەمی بەشێک لەوکەسانەش کە بە ئیدعا خۆیان زۆر پێشکەوتوو دەزانن بەڵام ئامادەن بۆ خاوەن پۆستەکان وەک خزمەتکارانی پاشاکان زمان چەوری بکەن.
ئەم بابەتە لە کۆمەڵگای ئێمە دا گەیشتوە بە ڕادەیەک کە ئیتر ئەگەر زەمانێک دەگوترا من بیر دەکەمەوە واتە هەم ئێستا لە نێو سیاسەتی کوردی دەگوترێ من فلان پۆستم هەیە کەواتە هەم.
بەر لە هەر شتێک باش دەزانم لە کۆمەڵگایەکی وەها یا چوارچێوەیەکی وەها گۆڕان بە نوسین زۆر ئەستەمە زۆر بەڵام دیسان ئەرکی ویژدانیە بووچونت بخەیە بەرچاو جا کێ چی هەڵدەبژێرێ ئەوە مافی هەر تاکێکەو زۆریش ئاساییە.
هەر بۆیە دەبێ سەیری بیرو پڕۆژەی هەموو لایەک بکەین کێ جا هەر تاکێک بێت ئەگەر تەنیا یەک وشەی باشیشی هەبێت دەبێ سپاسی بکەین چونکە ئامانجمان خزمەت کردنە جا کەسێک خۆی ماندوو کردوە یەک وشەی داهێناوە لە کوێ بێت یا چۆن بێت گرنگ نیە گرنگ ئەوەی بە سودە بۆ بزاڤەکەمان.
۷ـ یەکگرتنەوە، یەکگرتنەوە
بەر لەوەی بچمە سەر ناخی بابەتەکەم دەمهەوێ چەند خاڵێک کەباوەڕم پێیە بە ئاشکرای بڵێم.
یەکەم بێ گومان هێز لە یەکگرتن دایە جا ئەو یەکگرتنەوە دەتوانێ لە نێوان دابڕاوەکان بێت، لە نێوان کۆن و نوێکان دابێت دەتوانێ لە نێوان هەموو هێز و لایەنەکان بێت.
جۆری یەکگرتنیش جیاوازن دەتوانێ لە ڕێکخراوێک دا بێت، دەتوانێ لە ژێر پلاتفۆڕمێک دابێت،
من لە گەڵ ئەسلی سەرەوە هیچ کێشەو گرفتم نیە، لە هەمانکاتدا لە گەڵ هیچ کەس کێشەو گرفتم نەبووەو نیە ڕەخنەم گرتوە بەڵام هیچ کات بێ ڕێزیشم بە کەس نەکردوە.
ڕۆژانە بە دەیان جار لێرەو لەوێ دەبینی هەموو لایەک بەسیاسی و نا سیاسی بە خاوەن پۆست و بەرپرسیارەتی یا ئەندامێکی سادە یا هاونیشتمانیەک دەبینین هەموو هاوار دەکەن هەموو گرفتەکان لەوەی دا دەبینن کە یەکگرتوو نین. یەک دەنگ ئەو بابەتە دوبارە دەکەنەوە.
ئەی دێموکراتەکان یەکبگرنەوە ئەی ڕۆژهەڵاتیەکان یەک بگرنەوە
بۆیە بە چەند پرسیار دەمهەوێ شی بکەمەوە بەڕاستەی گرفتی ئێمە یەکگرتنەوەیە یا بەر لە یەکگرتنەوە ئێمە گرفتی دیکەمان هەیە.
.
سەرەتا بۆ من پرسیار دروست بووە ئەگەر هەموو لایەکمان یەکگرتوو خوازین و ئاوا لە دڵ هاوار بۆ یەکگرتووی دەکەین بۆچی دۆخەکە ئاوایە؟
دوو، گریمان دێموکراتەکان یەک ناگرنەوە ئەی کێشەی هێزە ڕۆژهەڵاتیەکان چیە؟
سێ، ئەگەر یەکگرتن باشە و دابڕان خراپە کێ بەرپرسی ئەو یەکنەگرتنانەیە؟
چوار،ئەگەر ڕێبەرایەتیەکان بەرپرسن لەو دۆخە بۆ چی هەمیشە بە زۆرینەی دەنگ هەڵدەبژێردرێن؟ (بەهەموو لایەکەوە کە جێگای ڕێزن)
پێنج، ئەولایەنانەی کە هەموو گرفتەکانیان دەخستە لایەنەکەی دیکە و دابڕان بە باشترین ڕێگەیان دەزانی و بێ یەک و دوو ئەو کارەیان کرد بۆچی لە ئاستی پێویست نین و ئەگەر خرابتر نەبن جیاوازتر نین؟
شەش، ئەوە گریمان ئەوانە لە هەموو ئەو دۆخە بەرپرسیارن بۆچی هەمیشە تا سەر ئێسقان پشتیوانیان لێ دەکرێ؟
حەوت، با سەیری ئەو سەردەمانە بکەین کە یەکگرتوو بوون بزانین بەرهەمیان بۆ شۆڕشی کورد چی بوە؟ ئەگەر ئێستا یەکگرتوو نین چیمان لە دەست داوە؟ (مەبەستم هەموو لایەک)
هەشت، حیزبی دێموکرات لە نێوان ساڵەکانی ۱۹۹۷ تا ۲۰۰٦ هەر زۆر یەکگرتوو بوو بە هەموو لایەکەوە ئایا دۆخمان لە ئێستا باشتر بوو؟
نۆ، ئەگەر جیاوازیەکی ئەو تۆمان لە نێوان ئەو دو ماوەیە دا نەبوە کەواتە بۆچی هەموو گرفتەکان بە یەکگرتنەوە گرێ دەدەن؟
دەیەم، ئایا ئەو کات کە یەکگرتووین هەموو وزەمان بو جودابونەوە خەرج دەکەین ئێستا کە یەکگرتوو نین و هەموو وزەیەک بۆ ئەوە خەرج دەکەین کە یەکگرتوو بین زیانی بە شۆڕش نەگایندووە؟
یازدەیەم، ئایا بۆچی میکانیزمێکی شەفاف بۆ یەکگرتنەوە لە لایەن هیچێک لە لایەنەکانەوە پێشکەش ناکرێت بۆ ئەوەی بزانین گرفت لە کوێ دایە؟
دوازدەیەم، ئەگەر یەکگرتن ئەوەندە کارێکی باشە ئەدی دەبێ دابڕان کارێکی خراب بێت باشە نابێ بپرسینەوە کێ بەرپرسە؟
سێزدەیەم، داماننا دەبێ ڕوو لە داهاتوو بکەین و لە کەس نەپرسینەوە ئایا سبەی هەمان سناریو واتە بەدڵم نیە جودا دەبمەوە دوبارە نابێتەوە؟
چواردەیەم، ڕاستە هەر کەسێک بە گوێرەی یاسایی و عورفی هەر چەند بەرپرسیارەتی هەبێ بەرپرسە لەو گرفتانە. بەڵام ئێستاش ئێمەمانان بێ یەک و دو بە سەر جناح و دەستە لە نێو لایەنەکانی خۆمان دا دابەش دەبین ئایا کاتی نەهاتوە بە خۆمان دا بچینەوە؟ ئایا کێشەکان لە ئێمەش ڕا دەست پێ نەکات ئایا بە پشتیوانی ئێمە بەرەو لوتکە ناچن؟
ئەو پرسیارانەو چەندین پرسیاری تر هەن کە بەر لەوەی داوای یەکگرتنەوە لە ئەم و ئەو بکەین دەبێ بپرسین و هەوڵ بدەین وەڵام بدەینەوە، بەر لە هەر شتێک دەبێ دۆخەکە شی بکەینەوە سەیرێکی مێژووی دوێنێمان بکەین، لە ژێر ئەو ڕۆشناییە داهاتوو بینین، بە بێ ئەوانە یەکبگرینەوە نەگرینەوە مارکس گوتەنی هەر مێژوو دوبارە دەکەینەوە بەڵام بە شێوازی خرابتر.
بۆیە گرفتەکانی ئێمە بە دابڕان دەستی پێ نەکردوە تا بە یەکگرتنەوە کۆتایی بێت. تەنانەت ئەگەر یەکیشبگرینەوە لە جیاتی وزەمان بخەینە سەریەک بۆ ئەوەی بەهێز بین هەر وەک ئێستا خەریکی کاری لاوەکی کە دوبەرەکی دروست کردن دەبین.
هەموو لایەنەکان بێ بەری نین لە ئەو کەم و کوڕیانەی کە لە شۆڕش دا هەیە یا ڕەواندنەوەیان بۆ سەرخستن و بەهێز کردنی شۆڕش پێویستیەکی حاشا هەڵنەگرن. کامیان توانیویانە لە ڕووی تەشکیلاتی، ڕاگەیاندن، دیپلۆماسی، ماڵی لە ئاستی پێویست دابن. کەواتە ئەگەر یەکیش بگرن هەمان کەم و کۆڕی دوبارە دەبنەوە کە گرفتی سەر ڕێگای سەرخستنی بزاڤی ڕزگاریخوازیمانن.
ئێمە پێویستی بە گۆڕانێکمان هەیە کە سەرەتا لە منەوە دەست پێ بکات هەموو هەڵەکەمان بخەینە بەرچاو و ڕوون و ئاشکرا بکەین کە چی ڕووی داوە چی بکەین کە دوبارە نەبێتەوە دیسان دوبارەی دەکەمەوە لە هەڵبژاردنەکانمان بکۆڵینەوە ئەگەر بۆ ماوەی بیست یا سی ساڵی ڕابردوو هەمان هەڵبژاردن نەیتوانیوە چاوەڕوانیەکان بەجێ بگەینێ بە دوبارە کردنیان هیچ شتێک ڕوونادات چۆن دەتوانین چاوەڕوانی لە کەسانێک بکەین کارێک بکات کە سی ساڵی ڕابردوو نەیکردوە. ئەگەر نەیکردوەو بە هەمان هیوا هەڵبژێری ئایا ئێمە خەتابار نین؟
سەرەڕای هەمووی ئەوانە ئەگەر بپرسین بە کورتی چی بکرێت لە ئێستا دا باشە؟
۱ـدەڵێم میکانیزمێکی ڕوون و ئاشکرا بخرێتە ڕوو هەر لایەنێک بڵێ بەو میکانیزمە یەکدەگرمەوە.
۲ــئەگەر ئەو کارە نەکرێ بۆ دروست کردنی پلاتفۆرمێکی هاوبەش لە سەر بنەمای خاڵە هاوبەشەکان تێبکۆشن.
۳ـبابەتاکان شەفاف وەک خۆی بگەینرێنە خەڵک تا بڕیاری کۆتای و دروست بیدات کە بە بەرچاویەکی ڕوونتر بۆی دەردەکەوێ کێ کەمتر خەمە بۆ ئەوەی پشتیوانی لەو لایەنە بکات کە هەوڵی داوە تا شۆڕش و بزاڤەکەمان نەکرێنە قوربانی ئەو ململانێیە.
پێش تریش گووتومە دەڵێمەوە ئەگەر پلاتفۆرمێکی هاوبەشیش نەبێ ئەوا لایەنەکان پەیوەندیان لە گەڵ یەکتر باشە کە پێم وایە ئەوەش کەم نیە و جێگای دەست خۆشیە.
تێبینی ئەو نوسینە مەبەستی لە لایەنێکی تایبەت نیە بەڵکو کورد بە گشتی دەخوێندتەوە.
٨ـ جیلی نوێ لە ڕۆژهەڵات
چ لە سیاسەت دا چ لە شۆڕش دا گرنگە ئەو جیلەی کە ئێمە لە گەڵی دا بەرەو ڕووین باش بناسین و شی بکەینەوە تەنانەت لە ڕووی کۆمەڵناسی لێک بدەینەوە تا بزانین چۆن دەتوانین بەهاکانمان بیکەین بە بەهای ئەوان.
ئەگەر نامۆ بین بەو جیلە ئەوا کار دژوار دەبێت و زۆر ئەستەمە ڕاکێشانیان بۆ شۆڕش. بەتایبەتی ئەگەر لە سەردەمی ئێستای خێرای پێشکەوتن و پەیوەندی و گۆڕانکاریەکان دا بین، ڕێژەی گەنجی وڵاتیش زۆر بێت.
بۆیە گۆڕانکاری لە شێوازی کار و تێکۆشان دا لە سەردەمی ئێستا بۆ ئەوەی بتوانێت لە گەڵ ئەو جیلە دا بێتەوە پێویستیەکی حاشا هەڵنەگرە. ئەگەر سەیرێکی بارودۆخی ڕێکخراوەی دەوربەرمان بکەین دەبینن کە چەندە لەو بوارە کەممان هێناوە بەردەوام بوونی ئەو ڕەوتە غەیری مومکینە.
لە ساڵانی کۆن بابەتێک هەبوو کە فڵان کەس لە فڵان شوێن کاریگەری و نفوزی هەیە یا فڵان کەسایەتی بۆ ئەو ناوچەیە زەروریە. ئێستا بۆ هەموو ئەوانەی کە لە ۳٥ ساڵ بچوکترن نامۆین، هەر زۆریش نامۆ. کەواتە هێزێکی واگەورە ئێمە دەبێ لە سەرەتاوە بناسێت کە ئەم بابەتە کارێکی ئەستەمە و بە شێوازو منتالیتەی کۆن ناکرێت.
بۆ ڕوونتر بوونی بابەتەکە ئاماژە بە داتایەکی ئاماری دەکەم بە گوێرەی ئامارەکانی ساڵی ۱۳۹٤ نزیکەی ۲۷ لە سەدی حەشیمەت ئەو کەسانەن کە تەمەنیان لە نێوان ۱٥ بۆ ۲۹ ساڵە. ۲٤ لە سەدیش کەمتر لە پانزدەیە.
کەواتە ئەو بەشە لە کۆمەڵگا کە بنەما و کاکڵی سەرەکی گۆڕانکاریەکانن ئێمە هەر ناناسن ئەگەر سەیری ئامارەکانی تر وەکو شار نشینی و زۆر بابەتی تر بکەین ئەو ڕێژەیە هەر وا کەم دەبێتەوە.
ئەوە زەنگێکی مەترسیە بۆ بەخۆ داچوونەوە بۆ ئەوەی بتوانین منتالیتەی کارو میکانیزمی نوێ دابهێنین. ئەگەر سەردەمانێک بۆ گەیاندنی پەیامی شۆڕش دوای بڕینی چەند سەد کیلۆمەتر بە پێ تەنیا بە دە خولەک قسە کردن کاتت هەبوو مەبەستت بگەینی، ئێستا بە کرتە گرتن لە سەر شاشەیەک کە چرکەیەکیش نابات دەتوانی بە هزاران مگابایت زانیاری بگەینی.
کەواتە پێویستە لە خۆمان بپرسین کاتێک بە منتالیتەی کۆن ئەو کارە ناکرێت چۆن بتوانین بۆ ئەوەی خۆمان بگەینین بە ئەو ڕێژە بەرچاوە لە جیلی نوێ بۆ کارێکی وا گرنگ تا ئامادە بکرێن لەو ڕێگەیە دا هاو ڕێبوارمان بن تا پێکەوە بەرەو ئامانجەکان هەنگاو بنێین و دوژمن ببەزێنین؟؟
ئەو پرسیارە سەرەتای داهێنانی میکانیزمە بۆ دەرباز بوون لەو دۆخە.
۹ـ دێموکرات بوون
له کاتێک دا خۆمان بە دێموکرات و پێشکەوتوو دەزانین، کە بۆچوونی جیاوازی بەرانبەرەکەمان بە نیسبەت بوچوونەکەی خۆمان بە دژایەتی و دوژمنایەتی وەسف دەکەین.
لە کاتێک دا بانگەشە بۆ بەدیهێنانی دێموکراسی و چارەسەری کێشەو گرفت لە ڕێگەی پەسەندی زۆرینە دەکەین، لە ژێرەوا دا پەنا بۆ زۆر ڕێکاری تر دەدەین تا بیرۆکەی بەرانبەرمان سەرنەکەوێ.
لە کاتێک دا ماف بە خۆمان دەدەین خاوەن بۆچوون و ڕەی بین بەڵام هەبوونی بۆچوونێکی تر لە بەرانبەر دا بە ناڕەوا دەزانین.
خۆمان بە دێموکرات دەزانین بەڵام لە سەر بنەمای کەس و بەرژەوەندی شەخسی و زۆر بابەتی تری ورد و لاوەکی تر بڕیار دەدەین.
لە کاتێک دا کار بۆ بەدی هێنانی دێموکراسی لە کۆمەڵگا دەکەین بەڵام ئەگەر بڕیارێک بە دڵمان نەبوو چەندیش لە کەمینە دا بین هەوڵی تێکدانی بارودوخەکە دەدەین.
لە کاتێک دا لە یەک سەنگەر بین گولە بۆ ئەوی تر بێت ئەم خۆی وەبەر دەدات بەڵام قسەی یەکتر قەبوڵ ناکەین کەس بۆ ئەوی تر نەرمی نانوێنێ.
لە هەمووی سەیرتر بەو خسلەتانەی سەرەوە خۆمان بە ڕێبواری ڕێبازی شەهیدان و ڕێبەرانی نەمری وەک پێشەواو قاسملوو دەزانین.
پێم وایە ئەوە خۆی لە خۆی دا تراژێدیەکی گەورەی کاری ڕێکخراوەی ئێمەیە. پێم وایە بەو شێوەیە ئەو شۆڕشە ئەستەم سەر دەکەوێت، چونکە باڵ و جناح و دابڕان و لێک زویر بوون و زۆر بابەتی تر لە سەر بنەمای خسلەتانەی سەرەوە دروست بوون.
هەر بۆیەش پێویستە کەلتوری دێموکراسی لە خۆمان دا بەرجەستە بکەین و هەر بیرۆ بۆچوون و پڕۆژەیەک پێشکەش دەکەین شی بکەینەوە وەڵام بدەینەوە. یا هەر کات هەر دیدێکمان هەبوو سەبارەت بە پەژراندنی هەر بۆچوونێکی تر بە ئەرێنی و بە نەرێنی بە ئازادی دەڕببرین و ئستدلالی بۆ بێنینەوە. دواتر ڕێگە بدەین زۆرینە بڕیار لە سەر باشترین بدات. تەنانەت ئەگەر پێمان وایە زۆرینە هەڵەشی کردوە ( کە هەندێک جار دەیکات) یا بە پێچەوانەی ئێمە بڕیاری داوە شەهامەت و جورئەت و ئەخلاقی قەبول کردنی زۆرینەمان هەبێت.
بۆ ئەوەی نەک بە دروشم بە مانای تەواوی وشە دێموکرات بین
تێبینی /ئەو بابەتە هەموو کۆمەڵگای کوردی دەگرێتەوە ئێمەی کورد بە گشتی واین تایبەت بە ڕێکخراوێکی تایبەت نیە بەڵام ئێمە کە ئیدیعامان هەیە دەبێ زیاتر هەوڵ بدەین وا نەبین
۱۰ ـ پەسند کردنی گەڵاڵەی سکرتێری گشتی
هەنگاوێکی دروست و بەجێ دەبینم کاتێک کۆمیتەی ناوەندی حیزب بە لێک گۆڕینەوەی بیرو ڕا بە ئاکامی پێویست دەگەن و لە سەر پڕۆژەیەک دەبنە هاوڕا تا لە کۆنگرە دا پێشکەش بکرێت.
وێڕای دەست خۆشی لە هەموویان و هیوای سەرکەوتن،
جەوهەری کارەکە کە بە ئاکام گەیشتن دوای دیالۆگ و گوێ لە یەکتر گرتن دەوڵەمەند کردنی یەکتر دێت پیرۆزە.
بەردەوامی ئاکامی ئاوا لە مەڕ هەر بابەتێکی تر بە ئاوات دەخوازم.
بەڵام ئەمە کۆتایی نیە
ئەرکی نوێنەرانی هەڵبژێردراوی کۆنگرە ئەوە نیە هەر پەسند کراوی کۆمیتەی ناوەندی پەسند بکەن بەڵکو ئەرکیان دەوڵەمەند کردنی کۆنگرە بە پڕۆژە و بیرۆکە و زانیاری بە سودە ئەوان دەبێ هەموو پڕۆژەیەک دەوڵەمەند و دەوڵەمەندتری بکەن هەروەها لە چوارچێوەی بەرژەوەندی نەتەوەی و شۆڕش و حیزب کە لە ڕاسان دا خۆی دەبینتەوە دەبێ وردتر و وردتر بڕوانە بابەتەکان بۆڕواندنەوەی کەم و کۆڕیەکان هەروەها کارکردن بۆ سەرخستنی پەسندکراوەکان لە ڕێگای هەڵبژاردنی ورد و وردتر.
بۆیە ئەو هەنگاوە بەجێیە دەبێ بە هەنگاوی دەوڵەمەندتر کردنی کۆنگرە بڕازێتەوە تا کاریگەریە بێ وێنەکەی لە سەر شۆڕش و ڕۆژهەڵات دابنێت.
بە پێویستیش دەزانم لێرەدا ئەو مەودا زەمانییەی کە حیزب پێی تێپەڕ بوو تا گەڵاڵەکە پەسەند کرا وە بیر هەموومان بێنینەوە کە چۆن دوژمن خەونی بە باڵ باڵێنی دەدیت. پڕە لە وانەی لێفربوون هیوادارم هەموو لایەک پەندی پێویست وەرگرین کە کورد لە پەند وەرگرتن زۆر زیرەک نیە.
۱۱ـ بەرپرسیارەتی ئەندامانی کۆنگرە
کە دەبێتە گوڕەپانی رەخنە گرتن هەموو ڕووی ڕەخنەکانی لە ڕێبەرایەتی دەکەن وەک ئەوەی ئەو ڕێبەرایەتیە لە ئاسمانەوە هاتبێتە خوارەوە.
بێ گومان باش دەزانم عورفەن یاساییەن ڕێبەرایەتی و هەموومان بە گوێرەی بەرپرسیارەتی و شوێن و پێگەمان لە بەرانبەر شۆڕش و ئامانجەکانی شۆڕشمان کە ڕزگاری نیشتمان و نەتەوەی کوردە بەرپرسیارن. هەروەها فارس گوتەنی ” هر کە بامش بیشتر برفش بیشتر“.
بەڵام نابێ لە بیرش بکەین لە حزبێکی دێموکراتی وەکو حیزبی دێموکرات دا کە بە هەموو کەمو کوڕیەکانیشەوە ئەزمونێکی سەرکەوتووی لە بەستنی کۆنگرە لە کات و ساتی خۆی دا و لە دێموکرات بەڕێوە چوونی دێموکراتیکی کۆنگرەکانی دا هەیە ئەندامانی کۆنگرەش بەرپرسیارەتیان کەمتر نیە لە ڕێبەرایەتیەکان چونکە هەموو ڕێبەرایەتیەکان هەڵبژێردراوی ئەندامانی کۆنگرە و ئەوانیش هەڵبژێردراوی بەدەنەن.
کەواتە هەر ئەندامێکی کۆنگرە بەدەر لە هەر دوگمێک و بەرژەوەندی کەسایەتی لە پێش دا دیاری کراو دا دەبێ پێ بنێتە نێو کۆنگرەو سەربەخۆ و بیرکراوانەتر بیر و بۆچوونی خۆی دەرببڕێ و هەر بڕیارێک یاهەڵبژاردنەک دا بەرژەوەندی نەتەوەیی کە ئامانجی سەرەکی حیزبە ڕەچاو بکات. بۆ بەهێزتر کردنی حیزبەکەی کە بەهێزکردنی شۆڕش و سەرخستنی خەباتی گەلەکەمانی بەدوا دێت هەموو هەوڵی دەدات و خۆی لە بەرانبەر بە داهاتووی حیزب و چواردە ملیون کوردی ڕۆژهەڵات بەرپرسیار دەزانێت.
لە کۆنگرەیەک دا کە ئەندامانی بە هەست کردن بەو بەرپرسیارەتە هەنگاو بنێن
۱ـ هەموو گرفتەکانی ئورگان و حیزب بە گشتی دیاری دەکات و باشتر کردنی ئەو گرفتانە خاوەن بیرۆکە و ڕێگە چارە دەبێت.
۲ـ لە هەر پێشنیارێک بە سودی حیزب بێت لە لایەن هەر کەسێکەوە بێت پشتیوانی دەکات دەنگی دەخاتە پاڵ دەنگی چاکسازی و بەرەو پێش بردن تەنانەت ئەگەر یەک دەنگیش بێت.
۳. کارو باری چوار ساڵە و زۆرتری ئۆرگانەکانی جیاواز دەخاتە بەرچاو بەرپرسانی ئەو ئورگانانە دەخاتە ژێر زەڕەبینی چاودێری ئەگەر سەرکەوتوو بوون پاڵپشتیان دەکات بۆ بەڕێوە بردنی ئەرکی زیاتر ئەگەر نا لێپرسینەوە و گۆڕانکاری دەکات. (دوبارەی کەسانێک کە ئەزمونی سەرکەوتوویان نەبوە دوبارە کردنەوەی کێشەو گرفتەکانە).
٤. لە هەر هەڵبژاردنێک هەوڵ دەدات شایستە ترین تاک بۆ شوێنی کە دەتوانێ لێ سەرکەوتوو بێت بکاتە پێوەر. پێوانەی دیاری کردنی شایستەی دەتوانێ ئەزموون و زانیاری و وزەی پێویست و دڵسۆزی و فیداکاری بۆ حیزب و پێگەیشتووی ئەو کەسە بۆ خزمەت کردن لە شوێنی پێویست بێت. تەنیا هەبوونی یەکێک یا دوو لەو فاکتەرانەی سەرەوە بەش ناکات.
٥. بۆ هەر بابەتێک وانەکانی ڕابردوویەکی دور و درێژ و بەرپرسیارەتیمان لە بەرانبەر داهاتووی ڕۆژهەڵاتی کوردستان لە بەر چاو بگرێت.
بە چاو خشاندنێک بە ڕۆژگاری ڕابردوو ئێستا و تێڕامانێک بۆ داهاتوو ئەو خاڵانە و چەندین خاڵی تر لە بەر چاو نەگرین ئەوا مەحکومین بە شکەست لە بەرانبەر ئەرکەکانمان و نەوەکانی داهاتوو.
۱۲ـ کۆنگرەی چارەنوس ساز لە کاتێکی هەستیار دا
لە زۆربەی هەرە زۆری کۆبوونەوەکان دو وشەی چارەنوس ساز و هەستیار بەردەوام دەگوترێنەوە کەبەشێکیان هەر لە ڕووی کلێشەوە بوونی وشەکان دەیڵێنەوە بەشێکیش هەست بە گرنگیەکەی دەکەن.
دەمهەوێ بڵێم نەک کۆنگرە یا ساتی ڕوودانی ڕووداوێکی سیاسی بەڵکو هەر چرکەساتێک کە لە بەرانبەر دوژمن دا خەبات دەکەین و هەوڵی ڕزگاری نیشتمان بدەین بۆ ئێمە چارەنوس سازەو هەستیارە.
ئەگەر نیشتمانی جوانمان کوردستان لە ژێر چەکمەی داگیرکار دابێت، ئەگەر چواردە ملیۆن کوردی کوردستانی ڕۆژهەڵات ئازاد نەبن، ئایا کات و ساتێکمان هەیە کە گرنگ نەبێت.
جا ئەگەر ڕەوتی گۆڕانکاریەکان لە ناوچە دا وا خێرا بن و ئەگەر هەموو ڕوودانی هەموو ڕووداوێک لە هەر ساتێک دا هەبێت. ئەو کات ئەو هەستیاریە دوو ئەوەندەی تریش زیاد دەبێت.
ئەگەر ئێمە ڕۆڵەی ڕێکخراوێک بین کە بە درێژای مێژوومان دا لە ڕێزی پێشی بەرگری لە گەل و نیشتمان دا بین. هەر کاتێک بەهێز بووبین بزووتنەوەکەمان بە هێز ببێت و هەر کات لاواز بین بزووتنەوەکەمان لاواز بێت. ئیتر هەستیاری کات وسات وخەباتی ئێمە زیاتریش دەبێت.
ئەگەر کاتی کۆنگرەی ئەو ڕێکخراوە کاریگەرە بێت. کات و سات پڕ بایەخ تر دەبێت چونکە دەبێت بە جورێک کار بکرێت تا کۆنگرەیەکی سەرکەوتوو بەڕێوە بچێت تا کاریگەری ئەو لە سەر تێکڕای ئەو باسانە هەبێت کە لە سەرەوە باس کراوە.
هەست کردن بەو گرنگیە سەرەتای کار کردنە بۆ سەرخستن. بۆیە دەبێ هەموو لایەک و هەموو هەوڵێک بۆ ئەو بابەتە بدرێت
. بۆ ئەوەی چی بکرێت کە کۆنگرەیەکی وا سەرکەوتوومان هەبێت لێرەو لەوێ کەم و زۆر باسکراوە هیوادارین بە هەموو شێوەیەک هەوڵی ئەوە بدەین کە ئەو هەنگاوە گرنگە لەکاتێکی وا دا بهاوێژرێت.
بەڵام زۆر پێویستە کە بە ورەو و هەستێکی وا بڕوانینە ئەو بابەتە. هەروەها ئەو چەندە بزانین کە لەدەست دانی دەرفەتێکی وا بۆ باشترین گۆڕانکاری و زێدەترین چاکسازی و داهێنانی بەسود ترین ڕێگا چارە بۆ گرفتەکان وزەیەکی زۆر بەکاربێنێن.
خۆشبەختانە پتانسیلی بەڕێوە چوونی کۆنگرەیەکی وا هەیە و هیوای گەل و نیشتمانیش لە ڕۆڵە کانی هەرئەوەیە.
بەڵام زۆر ڕوون و ئاشکرایە ئەگەر لەو دەرفەتە کە لە ڕووی کاتەوە دەکەوێتە پێش گۆڕانکاری جیدی لە ئێران بە باشی کەڵکی لێوەرنەگیرێت و هەوڵی گۆڕانکاری پێویست نەدرێت، وەک دووبارەبوونەوەیکی ئاسایی سەیر بکرێت ئەو کات ئەو ئامادەیەیی پێویست کە دەبێ بە دەست بێنین نابێ و گەل دەرفەتێکی گرنگ لە دەست دەدات. کە ئاماژەکان هەموو وا نیشان دەات بە شێوەیە نابێت بەڵکوو بۆ ئامادەی پێویست گەلێک ئامادەی کراوە.
بەو هیوایە و هیوای سەرکەوتنی خەباتی گەلەکەمان.
ئەلبورز ڕۆئین تەن
لە بیرەروەریی پێشمەرگەیەکدا، بەشی پێنجەم، عەزیم ئەلیاسی
ئەحمەد شەوقـی و چـیرۆکەشیعـر بۆ منـداڵان.. رەزا شـوان
قطعنامه پارلمان اروپا: سپاه و کلیت حزب‌الله لبنان باید در فهرست «سازمان‌های تروریستی» قرار گیرند.
پێکدادانەکانی ئێران و ئیسرائیل، شەڕی زێرینگەری یان پێکدادانی ڕاستەقینە؟، شاهۆ فەرازمەند
کۆلۆنیالیزم و کولتوور ، هەڵۆ بەرزنجەیی
چاوپێکەوتنێکی ئاگرین لەگەڵ جۆن بۆڵتن دا!…، و. هەڵۆ بەرزنجەیی
751 كەسایەتی بنەماڵەی ئەنفال و شەهید و قوربانی كیمیاباران و پێشمەرگەی دێرین و چالاكوانی جینۆساید و نووسەر
لە گەرمەی هێرش و شەڕی نێوان ئیسرائیل و ئێران، کتێبێک لەسەر پێوەندییەکانی ئەو دوو وڵاتە چاپ و بڵاو بۆوە
هێرشی ئاسمانی ئێران بۆ سەر ئیسرایل، عوسمان کەوکەبیشاد
ڕەنووی منداڵێکی ساوا، دڵکەش قادر
پیاسە تسکە، ئیلهام موڕادی
مەتەڵى پەیوەندى و ناکۆکیى ئێران و ئیسرائیل، عارف قوربانی
خەڵاتگـرانی خەڵاتی نـۆبـڵی منـداڵان لە ساڵی ٢٠٢٤.. رەزا شـوان
ئەنفال، ئێرەبوو دوا ویزگەی ژیانت “گەردە مامە حەمە “، عەلی مەحمود
14-4 كێ كردی بە ڕۆژی ئەنفال ؟، عەلی مەحمود
بۆچی هێرشی بەربڵاوی مووشەکی و دڕۆنی کۆماری ئیسلامی لە دژی ئیسرائیل سەرکەوتوو نەبوو؟، شاهۆ فەرازمەند
ویدیوی سخنگوی ارتش دفاعی اسرائیل و فەرماندهان سپاە و ارتش ایران
یەکەم هێرشی راستەوخۆی کۆماری ئیسلامی ئێران بۆ سەر ئیسرائیل
بڕیاری مێژوویی، ڕۆژی ١٠ی ئاوریلی ١٩٩٧ی زایینی کۆماری ئیسلامی مەحکوم کرا، شەماڵ تەرغیبی
گـرنگـییەکانی چـیرۆک لە گـۆڤـارەکانی منـداڵان.. رەزا شـوان
لە بیرەوەریی پێشمەرگەیەکدا”بەشی چوارەم”، عەزیم ئەلیاسی
ئازاری ژن بوون لەتێکۆشانی کۆمەڵەو پەکەکەدا، غازی حەسەن- ئیرادەی گەل، عوسمان کەوکەبیشاد
(وتار – وتارۆکه – نامیلکه) له پهراوێزی هۆنراوهی (مهولهوی)دا ؟!، سەعی سەقزی
ڕاگەیەندراوەی هەنگاو لەسەر هەڕەشەی کوشتنی ئەندامەکانی لەلایەن ناوەندە ئەمنییەکانی کۆماری ئیسلامیی ئێرانەوە
خالد عزیزی در کنفرانس جمهوری خواهی در سالگرد اعلام همگامی برای جمهوری سکولار دموکرات در ایران در کلن – آلمان- لە بیرەوەریی پێشمەرگەیەکدا، بەشی سێهەم.، عەزیم ئەلیاسی
ڕاگەیەندراوی ناوەندی بەڕێوەبەریی حیزبی دێموکرات بەبۆنەی: کۆچی دوایی کاک هاشم کەریمی
مۆنـۆلـۆگ و مۆنـۆلـۆگی منـداڵان.. رەزا شـوان
هەڵبژاردنەکانی خۆجەیی لە تورکیا، عوسمان کەوکەبیشاد
دوو هەڵکەوت لە دوو ڕۆژی مێژوویی، عەلی هاشمی 
ڕاســـــتـــــــی تــــاڵـــــــــە، مەلا ئیبڕاهیمی مەجید پور
رۆژی جیهـانی کـتـێـبی منـداڵان.. رەزا شـوان
عێراق پاسپۆرتی سهركرده و ئهندامانی حیزبه كوردییهكانی ئۆپۆزسیۆنی ئێران پوچهڵ دهكاتهوه
یادێک لە رۆژی شەهیدانی کوردستان، عوسمان کەوکەبی شاد
ڕێزگرتن لە شەهیدان، وەفاداریە، نەك دواکەوتوویی و لادان لە ڕێبازی سیاسی، محمد سلێمانی
ئەدەب و رەخـنە دوو رووی دراوێـکـن.. رەزا شـوان
صدای امریکا، اختصاصی: افشای پرونده‌های جدید فساد چندین میلیارد دلاری؛ «خودی‌ها» علیه «خودی‌ها»؟- دکتر انوشه و در حسرت سماق بدون (ق) برای سفره هفت سین، سەعی سەقزی
شۆڕشی ژیان و ڕێگای کۆمەڵگەی کوردی بۆ ڕزگاری، حەسەن قارەمانی
گوشه نگاهی به سریال سنجرخان، اردلان بهروزی
خوێندنەوە کتێب: ناسیۆنالیزمی کوردی، لە ڕوانگەی کۆمەڵێک توێژەرەوە، بەرگی دووەم ، هەڵۆ بەرزنجەیی
ابعاد تازه از زمین‌خواری امام جمعه تهران؛ صدیقی باغ اُزگُل را ۱۵۰ برابر زیر قیمت منطقه به نام خودش زد.
چـیرۆک بـۆ منـداڵان، کامـەرانی ئـازادیخـواز .. رەزا شـوان
جەژنی نەورۆزی ٢٧٢٤ ی کوردی پیرۆز بێت، عوسمان کەوکەبی شاد
لە تیرۆرکردنی کولتوری کوردی بۆ تیرۆرکردنی نەورۆز، هانا چۆمانی
شەڕی سایبەری و شەڕی ئەلیکترۆنی چییە؟ هەژار برینجی
کۆماری ئێسلامی و قڕ کردنی هەڵەبجــە، سدێق بابایی
لە ئێران هەژاری چۆن بە مەبەست جێبەجێ کرا!، کاک سەیدە
چەند وشەیەک بۆ مەرگی (پۆڵا نانەوازادە)ی شاعیر، هەڵۆ بەرزنجەیی
وازهێنانی ئەردۆغان لەنێوان ڕاستی و تاکتیک دا؟!!، و. هەڵۆ بەرزنجەیی- تــــێــــــشــــوی ڕەمـــــەزان ، مەلا برایم مەجید پوور
هەڵبژاردن، هەڵبژاردە ، هەڵبژێرەر و خۆهەڵبژاردە!؟، برایم فەڕشی
بۆ هەشتی مارس، سوهەیلا مێهەمی
یادێک لە نەسرین قاسملوو ” هلێنا قاسملوو” لە ساڵڕۆژی مەرگیدا- چاوم تاسەمەندی بەژنی دولبەر، ئیلهام موڕادی
پەیامی ناوەندی بەڕێوەبەریی حیزبی دێموکراتی کوردستانی ئێران بەبۆنەی ٨ی مارس، ڕۆژی جیهانیی ژنەوە
ئەرێ راپەڕین ئەندازیاری هەبوو؟، عەلی مەحمود
زمانی کوردی ناسڕدرێتەوە، ئا: ئیدریس هاشمی
گهشتێ به (سێبهری قهلهبهرد)دا، بهشی شەشەم، سەعی سەقزی
اختصاصی؛ افشای اختلاس ده‌ها میلیون دلاری با استفاده از «سوئیفت‌های صوری» در قرارگاه خاتم سپاه
ناوەندی بەڕێوەبەریی حیزب: دیسانەکەش دەنگی بەرزی “نا”ی خەڵک بەسەر تەواوەتیی ئیرادە و دەسەڵاتی ڕێژیمدا سەرکەوتەوە
انتخابات در ارومیه و بررسی چند احتمال، هێمن سەیدی
رۆژهەڵاتی کوردستان، بایکۆتی هەڵبژاردنیان کرد- گهشتێ به (سێبهری قهلهبهرد)دا، بهشی پێنجەم، سەعی سەقزی
کۆچی دوایی پۆڵا نانەوازادەی شاعیر و شۆرشگێڕ
یادێک لە قارەمانەکانی لکی١ی هێزی ئاوارە(قەندیل)، عەلی هاشمی
راوێژکارێکی بافڵ تاڵەبانی: مامەڵەکردن لەگەڵ کامپی ئازادیی کۆیە پەیوەستە بە رێککەوتنی بەغدا و تاران
دەربـارەی رۆمـان و رۆمـانی هـەرزەکاران.. رەزا شـوان
ڕۆ گەردوونی زوانی ئەڎایی جە گردلایەتا پیرۆز بۆ، موختار کەریمی- گهشتێ به (سێبهری قهلهبهرد)دا، بهشی چوارەم، سەعی سەقزی
“خەندەق”، شوورە یان شوورەیی!، قادر لوقمان خورشید
شانۆی هەڵبژاردن، مەلا برایم مەجید پوور
درهو: یهكێتیی لهرێگای كۆمپانیایهكهوه دهیهوێت دیوارێك به دهوری قهڵای دیموكراتدا له كۆیه دروستبكات.
شەڕی ڕاستەوخۆی ئێران و ئامریکا چەندە ئیمکانی هەیە؟! ، ئاسۆ ساڵح- یەکگرتوویی و بوێری لە شانۆی هەڵبژاردنەکادا، حەسەن قارەمانی
کوردستانیانی هێژا، هاونیشتمانییانی خۆشەویست، سەلیم حەقیقی
کاتی لێدانی ئێرانە
بیلسترۆم (وەزیری دەرەوەی سوید)، لەسێدارەدانی کوردان لە ئێران مەحکووم بکە، نەرگس و ئیدریس هاشمی
خوێندنەوەیەک بۆ کتێب: پرۆژەی لەچاپدانەوەی بڵاوکراوەکانی پاسۆک، هەڵۆ بەرزنجەیی
