"an independent online kurdish website"

پ م نیوز: لە کورد کاناڵ وتووێژێکی حەسەن شێخانی بلاو بۆوە کە بوو بە باسی فەیسبووک و  چەند کەس لەم بارەوە هەڵوێستی خۆیان دەربریوە و ئەم سیاسەتەیان پێ هەڵەیە.

 

 

دیارە بۆچوونەکان زۆر بوون و کات کەم بوو کە هەموویان کۆ بکەینەوە و زۆر کەسیش لە لای ئێمە لە لیستی هاوڕێ دانین.

ئەگەر کەسێکیش بۆچوونی خۆی بە ئیمایلی سایت بنێرێ ، پێیوە زیاد دەکرێ، ئەگەر  حدک یان کاک حەسەنیش وڵام بنێرن بۆمان لێرە بڵاو دەکرێتەوە.

 

 

دەقی نووسینەکان لە لاپەەڕەی فەیسبووکی نووسەرەکان وەک خۆی دانراوە و لینکی وتووێژەکەش لە کورد کاناڵ وەرگیردراوە .

 

مەسعود ناسری: تو لە کۆێە دانیشتویت و تەنانەت خەباتی مەدەنیش ناکەیت! کە چی ئوردووگاکەت بە موشەک بەسەردا دەرووخێنن ئەێ ئەگەر تەشریف بەریتەوە موکریان و داوای مادەی 15 و 19 دەستووری ئێران بکەیت چیت بەسەر دێنن؟!

نا بو رەوتی تەسلیم تەڵەبی ناو حدک.

….

 

هەڵاڵە قازی :  خه‌باتی مه‌ده‌نی رۆژهه‌لات له‌ دوای شه‌هید بوونی د . سه‌عید ده‌ستی پی كرد.

حدک و حد‌كا زیادتر له‌ ٢٠ ساڵه‌ خه‌باتی مه‌ده‌نی ده‌كه‌ن به‌ڵام حدكا به‌ راسان خۆی زیندو كرده‌وه‌ و حدك دریژه‌ ده‌دا به‌ خه‌باتی مه‌ده‌نی كه‌ ٣٠ ساڵه‌ ئه‌و شیوه‌ خه‌باته‌ هیچ ده‌ستكه‌وتیكی ئابوری، سیاسی، كۆمه‌لایه‌تی بۆ تاكی كورد نه‌بووە و ئیعتباری ئه‌و حیزبانه‌ی زیاد نه‌كردوە .

هەموو حزبێکی سیاسیی مافی خۆیه‌تی چ شێوازیكی خەبات هه‌لده‌بژیری ، بەڵام مادام خه‌باتی مه‌ده‌نی ده‌كه‌ن و گاندی و مانایدلا بۆ نمونه‌ی كاری خۆتان ده‌بیننه‌وه‌ ده‌بی وه‌ك گاندی و ماندیلا حه‌ول بده‌ن له‌ پیش دا خاكی ئازاد كراوی خۆتان هه‌بی و له‌ جه‌رگی خه‌لكی خۆتان ئه‌و خه‌باته‌ بكه‌ن.

ده‌بی ریبه‌رایه‌تی ئه‌و خه‌باته‌ ئاماده‌ بی وه‌ك ماندیلا زیندانی بكیشیت و وه‌ك گاندی برسایه‌تی بۆ وه‌ی وه‌ك ئه‌وان ئیعتباری نه‌ته‌وییان هه‌بیت.

 وی ده‌چی حیزبه‌كان له‌ خه‌باتی مه‌ده‌نی ئیران و چاره‌نوسی تالقانی كان، كه‌روبیه‌كان، مفتی زاده‌ و ره‌فسه‌نجانیتان هه‌روه‌ها هه‌شته‌گی # نا بۆ سیداره‌ی ده‌یان زیندانی كه‌ ئاكامه‌كه‌ی سیداره‌ بوه‌ ده‌رستان وه‌رنه‌گرتۆ و جیی گومانن كه‌ ئه‌و شیوه‌ خه‌باته‌ بۆ دریژه‌دانی عومری كۆماری ئیسلامی ده‌كه‌ن یان به‌ راستی ده‌رس وه‌رناگرن وچاویك به‌ ده‌ستكه‌وته‌كانی ئه‌و خه‌باته‌دا ناكیشن.

 ئایا ناوه‌رۆكی كۆماری ئیسلامی بۆ ئیوه‌ ده‌ر نه‌كه‌وتۆ یان ده‌تانهه‌وی خۆتان له‌گه‌ل وه‌زع را بینن تا به‌لكو ده‌ستیكی ده‌ره‌كی ئال و گۆر له‌ ناوچه‌ پیك بینی و ئیوه‌ له‌ سایه‌ی سه‌ری ئال و گۆری ناوچه‌ به‌ نه‌وایه‌ك بگه‌ن؟

 چه‌ند رۆژ له‌وه‌ پیش چله‌ی موشه‌كبارانی كۆماری ئیسلامی بوو كه‌ بوو به‌ هۆی شه‌هید بونی چه‌ند پیشمه‌رگه‌ و ئه‌ندامی ئه‌و حیزبانه‌ كه‌ هۆی ئه‌و هیرشه‌ ٢ شت بوو.

رابردوی ئه‌و حیزبه‌ كه‌ زه‌مانی د قاسملو ٥٠ هه‌زار پاسدار كوژران و ئه‌و میژویه‌ كۆماری ئیسلامی له‌ بیری ناچیته‌وه‌ ده‌نا ئه‌و هیرشه‌ به‌ هۆی خه‌باتی بی ده‌ستكه‌وتی مه‌ده‌نی ئیوه‌ نه‌بوو.

٢.. تاقی كاریه‌ك بو بۆ ئیران بۆ نیشاندانی قودره‌ت و كی له‌ كورد بی نرختر بۆ حكومه‌تی ئیران كه‌ كه‌سیش نه‌ له‌ سه‌ری سزا درا و نه‌ كه‌سیش لۆمه‌ی كۆماری ئیسلامی كرد.

له‌ ١٩٢ ده‌وله‌تی دونیا ته‌ناه‌نت به‌ قه‌د قامكه‌كه‌انی یه‌ك ده‌ست حازر نه‌بون له‌ سه‌ر كاغه‌زیكی درۆینیش مه‌حكومی ئه‌و هیرشه‌ بكه‌ن. له‌ حالیك دا خه‌باتی مه‌ده‌نی ٣٠ ساله‌ی ئیوه‌ ده‌با بوبا به‌ هۆی دادگایی كردنی ئیران له‌و جنایه‌تانه‌ی رۆژانه‌ له‌ كوردستان ده‌كری.، یان حداقل هاوپه‌یمانه‌ فارسه‌كانتان مه‌حكومی كردبا ؟!

 حكومه‌تی ئیران ته‌نیا زبانیكی ده‌یزانی زبانی خۆیه‌تی . چاو له‌ به‌رابه‌ری چاو

 خه‌باتی كوردستانی رۆژهه‌لات ده‌بی بۆ له‌ ناوچونی ئیران بیت .

تا ئیران بمینیت كورد میژوی سمكۆی شكاك، پیشه‌وا، قاسملو، شه‌ره‌فكه‌ندی ، زلزله‌ و له‌ ناوچونی ناوچه‌كانی ، له‌ سیداره‌دانی لاوه‌كانی، كۆلبه‌ری دریژه‌ پی ده‌دا و له‌ مالی خۆی هه‌ژار، بی سه‌واد، و قه‌رچ ده‌بیت

كوردستان ته‌نیا كاتیك رزگار ده‌بی كه‌ حیزبه‌كانی بۆ سه‌ربه‌خۆیی حه‌ول بده‌ن

هه‌ر حیزبیك جگه‌ له‌ دروشم وخه‌سار هیچ ده‌ستكه‌وتیكی بۆ نه‌ته‌وه‌كه‌ی له‌ باری ئابوری كۆمه‌لایه‌تی، سیاسی نه‌بی مه‌حكوم ده‌بی به‌ له‌ ناو چونی خۆی و نه‌ته‌وه‌كه‌ی .

 

#هه‌لاله‌ قازی

……

محمد سالح قادری:  سەرلێشێواویش سنووری هەیە

 بەرێز كاك حەسەن شێخانی ئەندامی رێبەری هاورێیانی پێشوومان، بەراستی جێگای بەزەیی و تێرامانە بۆ ئەو كەسەی كە بە روالەت خۆی بە سیاسەتمەداری سەردەم و روناكبیر بزانێ، كە چی لە سەدەی بیست و یەكدا هێشتا توانای خۆ ناسین و دوژمن ناسینی نەبێت.

چەندە ساویلكەیی و ترسنۆكییە كە لە مێژووی پر لە تراژدیا و شۆرشگێری و نەبەردی نەتەوەكەت هەلبێیت و شەرم بكەی كە لە رەوایی ئەو مێژووە وەك میراسێك بۆ ئێستا و داهاتووی خۆت و نەتەوەكەت كەڵكی لێی وەرنەگری.

چەندە نەزانییە كە خەباتی رزگاریخوازی نەتەوەیی نیشتمانیی میللەتەكەت كە بە هەموو رەهەندەكانی خەباتی سیاسی، جەماوەری- رێكخستنی، چەكداری و …، كە داكۆكی لە سەروەری نەتەوەیی و ناسنامەی نیشتمانیت دەكا و، رۆلە گیانلەسەردەستەكانی نەتەوەكەت بەرامبەر بە دەسەڵاتی داگیركەر و كۆلۆنیالیست، ئازایانە و سەربەرزانە تابۆی ترس دەشكێنن و گیان دەبەخشن، بەلام سەر بۆ دوژمن ناچەمێنن. بەرێزتانیش بەم دەمامك و گۆتاری خۆبەدەستەوەدەرانەیە، بێخەبەر لەوەی لەمێژە خەلكی رۆژهەلات ئەم گۆتارە خۆبەدەستەوەدەرانەیەی هاوفكرە پێشووەكانتیان بە زبلدانی مێژوو سپاردووە و، ئێستا شەری ئیرادە بۆ مافی چارەنووسیان لە دژ داگیركەر دەكەن. هاتووی بە شێوەیەكی ئامانجدار و بەو تیئۆریە ماوەبەسەر چویەتەوە سووكایەتی بە نرخە نەتەوەییەكان و قارەمانەتی و گیانفیدایی هێزی دوژمن تۆقێنی پێشمەرگەی كوردستان دەكەیت.

کاکی بەرێز پێم نالێی چ جیاوازییەك لە نێوان كویلەیەكی دەستی دوژمن یا ئەو كەسە هەیە كە مێشكی داگیر كراوە و جەسارەتی نییە پێداگری لە تیئۆری و مەعریفەسازییەك بكا كە تەمسیلی عەقلی دەولەتسازی و سەروەری نەتەوەكەی بۆ رزگاری گەل و نیشتمانەكەی و چارەنووسی خۆی دەكات.؟

پێت وانەییە کە چەقبەستوویی و فەقری فكری ئەو كاتەیە كە نەتوانی قۆناخی خەبات و راستییەكانی پێوەندیدار بە كۆمەڵگای خۆت و ویستی ئەوان بزانی و بڕوات بە هێزی خۆت و گەلەكەت نەبێت و شەرمنانە و بێ ئیرادە وەك سوالكەر، بتهەوێ بێبەرامبەر بۆ داگیرکەر پرسیار و تەوەهوم لەسەر ڕاسانی رۆژهەلاتی كوردستان دروست بکەیت و، ئەرزانفرۆشی لەسەر داخوازییە نەتەوەییەكانت بكەیت. ؟

كاكی رێبەری هاورێیانی پێشووم، باشتر نەبوو لەم قۆناخە هەستیارەی كە رۆژهەلاتی كوردستان تێدایە و خەڵكەكەمان وێرای خۆراگری و قوربانیدان و خەباتی نەپساوەیان بەرامبەر بە دڕەندەییەكانی رێژیمدا، هاوكات ویستی سەرەكیان تەبایی و یەكرێزی لایەنە سیاسییەكانی رۆژهەلات و پرسی یەكگرتنەوەیانە، كەچی تۆی بەناو رێبەر لە جیاتی ئەو هەموو وزە نەرێنییەت كە بە بریندار كردنی هەستی شۆرشگێری و پێکهێنانی بێ متمانەیی لە گۆتاری بەرگریدا و پەرەدان بە دووبەرەكی بەکاری دێنی، تۆزێك بیرت كردبایە كە مەسڵحەتی خەڵك و جوولانەوە لە چیدایە و دەبێ چ رۆلێكی شیاوت لە پێكهێنانی بەستێنی هاوكاری و رێزگرتن بۆ خەباتی لایەنی بەرامبەرت هەبایە كە دژبە دوژمن مۆمی ڕاسانی رۆژهەلاتیان پێكردووە و خەباتێكی فرە رەهەندیان دەست پێكردووە و چۆن تابۆی مەرگ بە چۆكدا دێنن و دژبە دوژمن دەجەنگن و شكۆمەندی و هیوایەكی گەورەی بڕوا بە خۆبوونیان بە خەلك بەخشیوە و روحێكی نوێیان وەبەر جوولانەوەی رۆژهەلات هێناوە، كەچی تۆش بەو لۆژیكە سەقەتەوە دەتهەوێ كاریگەری ئەو ڕاسانە لە ئاست ناوخۆ و دەرەوەدا ئینكار بكەیت و وەك بزاڤێكی زیانبەخش پێناسەی بكەیت .!

پێم نالێی گەر ئەم كارەت ئاو لە ئاشی دوژمن كردن نیە، چیە؟

محمد سالح قادری

١٩/١٠/٢٠١٨

 

 

کامڕان قازی: ئەم کاتانەی رۆژهەلات و باشوور لێک دەگێرنەوە.

شێخ جەنگێکەی رۆژ هەلات:

کاتێک چاوم لەم وتوێژە دەکرد وردە وردە هەستم کرد ئەم جۆرە قسانەم پێشتریش بە شێوەیەک لە شێوەکان بیستوە بەلام لە کوێ؟؟؟

نا کاک خالیدی عەزیزی تۆزێک دیپلۆماتترە و یەکجار بەم جۆرە وەناو ناکەوێت …ئاخر ئەم قسانە بە تایبەت لەم چەند رۆژە زۆر دەجوترێتەوە و بە لای کەسەوە نامۆ نین … تا لەپر گووتی دەبێ وەک ئینسان هەلسوکەوت دەگەل پێشمەرگە بکرێت …

ئیتر یەکسەر گوتم یافتم، یافتم، یافتم .

جا ئێستا من قسەکانی ئەم دوو کەسە لە لای یەک ریز دەکەم بۆخۆتان لێکی دەنەوە وایە یان نا؟

.

سرنج بدەنە قسەکان.

ئاراز شێخ جەنگی دەلێت: من نەم هەویست خوێن لە کەپۆی یەک پێشمەرگەی یەکێتی بێت.

حەسەن شێخانی دەلێت: پێشمەرگەش ئینسانە با بەکوشت نەچێت.

٠

ئاراز شێخ جەنگی دەلێت: دەبێت ئالو گۆر پێک بێنین.

حەسەن شێخانی دەلێت: لە رابردوو دا چەقیوین.

.

ئاراز شێخ جەنگی دەلێت: شەر دەگەل عێراقمان پێ نەدەکرا.

حەسەن شێخانی دەلێت: عەقلی سیاسیی دەلێت شەر دەگەل ئێران نەکەین.

.

ئاراز شێخ جەنگی دەلێت: هەدەفمان چاک کرنەوەی پێوەندی کورد و بەغدایە.

حەسەن شێخانی دەلێت هەدفمان شۆرشێک نیە بۆ رووخانی حکومەت.

.

ئاراز شێخ جەنگی دەلێت: شەر دەگەل بەغدا و ئێران و تورکیە شێت بازیە.

حەسەن شێخانی دەلێت: دۆنکی شۆت وار سیاسەت مەکەن.

.

تەنیا خالی جیاوازی ئەم دوانە ئەمەیە کە ئاراز شێخ جەنگی هەر چەند بە پلە و پایە گەیی بەلام بە خائین دەناسرێت. ئەمەی دیکە جارێ جەوانە و نازانێت رابردووی سیاسیی خەلکی سیاسیی بە یەک شەو دەبێتە بلقی سەر ئاو.

 

………

فوئاد خاکی بەیگی : لەیادی شەهیدانی ۱۷ی خەرمانان ،۱۷ پرسیاری دیکە کە کاک رەحمان لە بەرێز شێخانی وڵامەکانی وەربگرێتەوە؟؟؟

۱ـ لە کۆلبەر مەدەنی ترمان هەیە؟؟

۲ـ گاندی و ماندێلا کورد بوون؟؟ و دوژمنەکەیان کۆماری ئیسلامی بوو ؟؟من پێم وابێ کوردبان ئەوان F16یان هەڵدەگرت

۳ـ لە فەلسەفەی راسان، شار چەقی خەباتە و پێشمەرگە تەنها پشتیوانە.کوێی لادانە لە بەهێز بوونی خەباتی مەدەنی؟؟

٤ـ دوکتور قاسملوو دەڵێی ،ئەوەندەی لێدەدەم هەتا هەراسانی دەکەم و دەلێی چت دەوێ ، ئەودەم دەچینە قۆناغی موزاکرەوە ، لێت داوە و هەراسانت کردوە تا بلێی چت دەوێ؟؟؟

٥ـ پراگماتیست هەر رێئالپولیتکە؟؟

٦ـ موشکەکبارانی کۆیە ، سوودی زۆر بو یان زیان؟خۆ ئەو سەرکردانە و باقی شەهیدانی ۱۷ی خەرمانان کە بە داخەوە شەهید بوون لە ناو جەرگەی خەباتی چەکداری دا نەبوون

۷ ـشەهیدانی شەوی یەلدا ، لە کاتی گرتنی پایەگایەکی چووکە شەهید بوون ؟؟

۸ـ کاتێ باس لە راسان دەکەن دەلێن خۆ ئەمە حەرەکەتێکی نوێ نیە و ئێمە ساڵی ۸٥ دەستمان بە خەباتی چەکداری کردوە و یەکەم لایەن بووین و ئێستاش دەلێن پێشمەرگە ئەبزار نیە شەهید بێ ،شەهیدی بەرێز هەمزە ساردکەیی و هاورێیانی ، لە روانگەی بەرێز شێخانی ساڵی ۸٥ ئەبزار بوون ؟؟ وڵامم دەوێ؟؟

۹_ کێی وتوویەتی فی نفسە خەباتی چەکداری ئامانجە قوربان؟؟

۱٠ـ شۆرشگێری ئەمرۆ هەر شۆرشگێری دوێنێیە؟؟

۱۱ـ هەتا ناوت دیمۆکرات بێ سەد ساڵی تر باسی خەباتی مەدەنی بکەی ، ئەو فەرقی پێی ناکا و تۆپبارانی خۆی دەکا ، چونکە حوزوری من بە زەرەری تۆیە و مادام، فەرقی پێی ناکا ، کەواتە چارەسەر ئەوەیە رایبگەێنی من ئەو نیم و ئەویش من نیە.وانیە؟؟

۱۱ ـ لە ئیسپانیا دیمۆکراتتر هەیە، ئەوانەی دیمۆکراتانە باسی مافی خۆیان کرد ، پۆلیسی بارسێلۆن چی لێی کردن؟؟

۱۲ـ رۆژهەڵاتی ناوەراست یاسای جەنگەلی تێدایە، زۆرت نەبێ دەتخۆن، بۆ ئەوەی بەهێز بی دەبێ چ بکەی؟

۱۳ـ لەسەر مێزی وتووێژ ، چۆن وڵامی د.قاسملوو درایەوە؟ ئەوەی هەر دەلێن وتووێژ ،وتووێژ؟؟

۱٤ـ چارەنوسی خاتمی و موسوی و کروبی چی لێهات؟؟

۱٥ـ گەر دوو ئامانج و دوو پرۆگرامی جیامان هەیە، دەتوانین لە یەک حیزب بین، تۆی مودێرن و منی کلاسیک!؟

۱٦ـ چارەنوسی مادەی ۱٥ و ۱۹ چی لێهات؟؟

۱۷ـ لە نێو پارێزگای کوردستان کەسێکی بوومی شایستە بۆ پارێزگار هەر نەدۆزرایەوە؟؟ و ئایا هەموو ئەم وتانە سیاسەتی فەرمی هەموو حیزبەکەیە؟؟

 

 

کاووس عەزیزی :  ئەوەی من لەم دوو پۆستەی خوارەوە دا نووسیومە، ئەسڵەن ناچێتەوە خانەی دژایەتیی کردنی ئەو بەشەی حیزب کە ناوی “حدک” یە. بەڵکوو ئامانجی من لەقاودانی سیاسەتی خۆ بەدەستەوەدەرانەی خالیدی عەزیزی یە کە بەداخەوە راست ڕۆڵی خەرابکارانەی ٣٩ ساڵ پێشی غەنی بلووریان و تاقمەکەی دەگێڕێ.

حەقوایە تێکۆشەرانی ڕاستەقینەی نێو حدک بێ دەنگ نەبن لەو ڕێبازە خۆبەدەستەوەدەرانەیەی خالیدی عەزیزی. لە حدک دا تێکۆشەری ڕاستەقینە یەکجار زۆرن، منیش مافم بە سەریانەوەیە کە پێیان بڵێم: ئیزن مەدەن خالیدێکی جارێ لە سەر کوردایەتیی خۆی ساغ نیە، ئاکامی ٧٣ ساڵ خەباتی حیزب بباتەوە ژێر پرسیارێک کە ئیدی مەجالی وڵامدانەوەشی نیە.

خالید عەزیزی خەریکی تەخریبی مێژووی حیزب و بزووتنەوەی شۆڕشگێرانەی ڕۆژهەڵاتە و بێدەنگی کردن لەو ڕەوتە خۆبەدەستەوەدەرە، دەرواتە خانەی خیانەت.

ئەو قسانەی کاک حەسەن شێخانی هەرکەس کردبای نەدەبا ئەو وەک کەسێک کە بە چاوی خۆی ٨ سێپتامبری مووشەکبارانەکەی دیوە بە سەر زمانی داهاتباوە.

وادیارە خوێنی ئەوهەموو شۆڕشگێرانەی ” دوێنێ وئەمڕۆ ” ی لە لا زۆر کەم ڕەنگە بۆیە ئاوا باسیان دەکا.

کاک حەسەنی ئیسلاح تەلەب، لە بیرت بێ ئەوانەی کە لە مووشەک بارانەکە دا شەهید بوون ڕابردوو و شانازییەکانیان هەمووی شۆڕشگێریی دوێنێ و خەباتی چەکدارانە بوو کە گەیاندبووینە ئەمڕۆ. تۆ ئێستا قسەی بێ مانا دەکەی ئەوە بزانە کە تۆ بەرهەمی ڕەنجی هاشمەکان و حەسەنپورەکان و کەریم سەقزییەکان دەخۆی. نەکا وابزانی تۆ و مامۆستا ئیسلاح تەلەبەکەت ئەو خەباتەیان تا ئێرە هێناوە؟

….

 

 

ئیبراهیم جەهانگیری: حیزبی دێمۆکڕاتی کوردستان لە وکوێوە بۆ کوێ

ماندوو مردوو لەسەر کار هاتمەوە کە پۆستێکی کامڕانی قازیم دیت وەک هەمیشە هەتا بڵێی تۆند، هیچم نەکوت و لێنکەکەی کە داینابوو کردمەوە و گوێم لەقسەکانی کاک حەسەن شێخانی ئەندامی ڕێبەڕی حدک ڕاگرت زۆر بەوردی، ئەگەر بڵێم قسە نا خەیاڵ پڵاوباشترە چون بەڕاستی ئەوەی ئەو بەڕێزە باسی دەکرد دەخەیاڵیش دا نەدەگونجا.

کام یەک لە میتۆدەکان دەتوانن باشتر خزمەت بە هەدەفەکەی تۆ بکەن، ، تۆ ئەگەر چاو لە ئەزموونی هەندێ وڵاتان بکەی شۆڕشی گەورە بوون و گۆڕانکاری بنچینەییشیان هێناوەوتە ئاراوە بەڵام لە میتۆدگەلی توندو تیژ کەڵکیان وەرنەگرتووە؟ مەسەلەن گاندی لە هیندوستان مەسەلەن ئەفریقای جنووبی نیلسون ماندیلا. …..

ئیتر ئەندامی ڕێبەڕی حدک پێدا دەچیێتە خوارێ ئەوەی دەیڵێ نایڵێتەوە. دیارە هەموو هەوڵ و تەقەلای کاک حەسەن ئەوەیە کە فکرەی ئیسلاح تەڵەبی یان وەک هەندێ دەڵێن تەسلیم تەڵەبی وەک فکرەیەکی غاڵب بەسەر فەزای گفتگۆکە دا سوار بکات و ئەلحەق ئەوەی کە دیمانەکەشی دەگەڵ دەکا چاکی لەبەر دەگێڕێتەوە و بەجووتە وەک ئەندامی حیزبێکی تازەی کوردستانی هەڵوێستی یەکجار تازە بە گوێمان دا دەچرپێنن، بۆ دەڵێم حیزبێکی تازە چون بەڕاستی بە هەموو پێوەرێک ئەو بەڕێزە لە ئوسوول و لە بەرنامە و لە ئامنج و لە تاکتیک و ستراتیژی حیزب لایدابوو بە فەرسەخ!

من ناچمە نێو تاک بە تاکی باسەکان بەڵام پرسیار لە ڕێبەری حیزب و لە کادر و لە ئەندامانی حدک دەکەم کە بۆ منی لایەنگرێکی خۆتان، بۆ کەسێک کە بە شاهیدی زۆربەی ئەندامانی ڕێبەری لە ساخ کردنەوەی حدک دا و لە نەشونماکردنیدا کەمم نەکردووە. دەی مافی خۆمە بڵێم بۆم ڕوون بکەنەوە قازانجی ئەو دیمانەیە لەوڕۆدا و ڕاست لە چلەی کۆمەڵکوژیەکەی ئەندامانی سەرکردایەتی و کادر و پێشمەرگەکانی حدکا دا بە کام ئامانج؟

کاک حەسەنی بەڕێز دەقیقەن روو بەحدکا بێئەوەی ناویان بێنێ دەڵێ قاسملوو دەڵێ گرتنی پایگا باشە ، زەبر لێدان لەدوژمن باشە بەڵام بە خەسارەتی کەم،( یانی حدکا خەسارەتی زۆرە) ئیتر ئەمەیە دیپلۆماسی ئەندامی ڕێبەری کە قسە دەکات هێندە ورد بینە مەبەستەکەش دەگەیەنێ بەلام ناهێڵێ کەس سۆسەی بکا یان کەس قسەکەی لەسەر بکا بە ماڵ!!! ئیدی ئەو برادەرە لە بیری چۆتەوە کە مەسەلەن ٥٠٠٠ شەهیدی پێشمەرگە وئەندام کە بە دەیان جار لە ڕاگەیاندنەکانی حیزب دا بە حیساب دێن و هاتوون خەسارەتی کەمە کە نزیک بەهەموویان لە دەوارانی قاسملوو و شەڕەفکەندی دا شيهید بوون؟ یان دەڵێ دوژمن لەو مەیدانە دا تۆ بە چالش دەکێشێ کە خۆی تێدا دەستی باڵای هەیە و لە تۆ بەهێزترە واتە مەیدانی سەربازی و چەکداری، یانی ئەو کاتەی بۆ ماوەی ٢ دەیە خەباتی توند و تیژ و چەکداریمان کردبوو دۆژمن هەر کەڵاشینکۆف و ژ-س ی پێبوو و ئێمەش تانک و تۆپ و تەیارەمان هەبوو؟!خۆلاسە ئەو برادەرە وەها نوقمی خەیاڵات بووە و وەک دەڵێن جەو گرتوویەتی و بە ئاشکرا دەیهەوێ بڵێ کە چمان بۆ ناکرێ و خەباتی توند و تیژ واتە پێشمەرگانە کەڵکی نیەو بەکاری ئێمە نایە دەنا خەسارەتی زیاتری بەدوادا دێ وەک ئەوەی بڵێی مووشەکەکانی رێژیمی فاشیستی مەسەبی ئێران لە ١٧ی خەرمانانی ڕابردوو بە کولاهەکی لۆکە داپۆشرابوون!

سەرکردایەتی حدک دەبێ دەگەڵ خەڵک ڕووراست بێ، ئەو دیمانەیە بێ ئیزنی سەرکردایەتی ئیمکانی بڵاو بوونەوەی نەدەبوو، دەنا چۆنە نووسینی کەسێکی ئەندامی حێزب لە هێڵەگ دەدرێ و بڵاو نابێتەوە بەڵام ئەو دیمانەیە کە ڕاستەخۆش نبیە بڵاو دەبێتەوە؟ کەوایە ئەو ڕا و بۆچوونی سەرکردایەتی حدک ە، کە ئەگەر خۆیان ساخ کەنەوە بەڕاستی و لە دڵەوە دەڵێم هیچ کێشەیەکی نیە بەڵام کورد گوتەنی هەم خودا و هەم خورما ئەویش لەو جەوەی ئێستای ڕۆژهەڵات دا دەست نادا. لە هەمووی سەیرتر ئەوەیە کە بینش و هەڵسەنگاندنی سیاسیی سەرکردایەتی حدک بۆ هێندە بەرتەسک بۆتەوە ئاخر لەو کاتەدا کە ڕێژیم لەوپەڕێ لاوازی و بێهیزی دایە کوا کاتی ئەو شرۆڤەکارییە سەقەتەیە! مرۆڤ جار جارە بەڕاستی دڵی بۆ ئەو هەمووە فیداکاری و دڵسۆزی ئەندامان و لایەنگرانی حدک دەسووتێ کە بە دووقسەی بێسەرەوبەرەو ناپێویست هەموو ریسەکەیان لێدەکەنەوە بە خوری!

خالێکی گرینگی دیکە لەو باسەدا ئەوەیە کە با هەموو لایەک ویژدانی خۆمان بکەیەنە قازی دەی بەو تێڕوانینە حدکا چۆنتان دەگەڵ یەکبگرێتەوە؟ یان کوا ئەو دوو بینش و تێڕوانینە سەتا سەت جیاوازە دەکرێ لە حیزبێک دا یان لەبەرەیکدا بە یەکەوە کار بکەن؟!!

ئێمە حیزبی باشوور نەماوە داینەپاچین دەڵێین دەگەڵ خەڵک ڕوو ڕاست نین، دەی ئەگەر ئەوانەی خۆشمان هەر وابن ئیدی ڕۆژهەڵات ڕۆژهەڵاتمان لە چیە؟ ئەو فکرە تەسلیم تەڵەبییە کە بە ئاشکرا لە تەلەویزیۆنی کورد کاناڵ بڵاو دەبێتەوە یەکەم یانی بە فێرۆدانی خوێنی هەموو شەهیدانی حیزب بە تایبەتی ئەوانەی بەم دواییە و لە کارەساتی جنایەتکارانەدا بە مووشەکی فاشیسمی مەسەبی خەڵتانی خوێن کران، دووهەرم یانی پێشێڵکردنی بەرنامە و ئەساسنامەی حیزبێک تاکتیک و ستراتیژی ئەو حیزبەکە کۆنگرە بڕیاڕی لەسەر داوە. هەر بۆیە سەرکردایەتی حدک ئەگەر ئەوە باوەرێتی با هەرچی زووترئەو گەنج و لاوانە و ئەو ژن ومنداڵە لە ژێر نشانەی مووشەک و فرۆکەکانی ڕێژیم بێنێتە دەر و دووبارە دوچاری کارەساتیان نەکا.

با ئەوەش بڵێم من سیاسەت بۆ حدک دیاری ناکەم هەر کەسەو و هەر حیزبەی خۆی سیاسەتی خۆی دیاری دەکات بەڵام کورد گوتەنی دوو شووتی بەدەستێک هەڵناگیرێ، ئەوەی کاک حەسەن شێخانی فەرمووی دەگەڵ ڕووحی شۆڕشگێری و دەگەڵ خەسلەتی حیزبێکی شۆڕشگێڕی وەک حدک نایخوێنێتەوە و زەمین و ئاسمانیان نیوانە، هەر بۆیە دەبێ سەرکردایەتی ئەو حیزبە بۆ خەڵکی کوردستانی ڕوون کاتەوە کە ستراتیژی ئەو حیزبە و تاکتیکی ئەو حیزبە چیە بەرامبەر بە ڕێژیمی ئیسلامی ئێران. ئەوجار ئێوە کە بە شێوەی نیلسۆن ماندیلا و گاندی سیاسەت دەکەن ئەویش دەگەڵ دڕندەترین فاشیزمی سەردەم وناتان هەوێ کوڕی خەڵک بە کوشت بچێ ئیدی دەورەی پێشمەرگایەتی بۆ بۆ گەنج و لاوی کورد دەکەنەوە؟ کەس نیە نەزانێ پێشمەرگە ناوی خۆی بەخۆیەوە وبە شریخەی ئارپیجی و ڕێژنە و قرمەی گولـلە نەبێ دەگەڵ داگیرکەر نادوێ.

وتەی ئاخر: من لە ژیانمدا بە هیچ حیزبێکم نەکوتووە دەبێ پێشمەرگە بنێڕییەوە شەڕی چەکداری بکەی بەڵام ئەگەر ناردبێتییەوە ڕێزم لێگرتووە و پشتیوانی بووم، هەربۆیە ئەو مافەش بە خۆم نادەم کە بە حدک بڵێم دەبێ پێشمەرگەی هەبێ و دەبێ هەڵکوتێتە سەر پایەگا و دوژمن ئاور بدا، ئاخر هێندە خام هەر نیم لە کاناداوە فەرماندەیی شەڕ بکەم یان خوازیاری شەڕێک بم کە بچووکترین بەشداری کردەییم تێیدا نیە، بەڵام حیزبێکی کوردستانی کە دروشمەکەی کۆمارێکی کوردستانی بێ و تەڕەفەکەی ڕێژێمی فاشیستی مەسەبی ئێران بێ دەبی خۆی دەگەڵ ئەو خەیاڵپڵاوە کە خەریکە بە نێوی سیاسەت دەرخواردی خەڵکی دەدا ساخ کاتەوە.

لە خوارەوە لینکی قسەکانی کاک حەسەن شیخانی ببینن و ببیسن

 

 

نویترین هەواڵ و بابەت