‎نه‌ورۆزی ئه‌مساڵ له‌ کوردستانی بنده‌ستی ڕژیمی ئێران، ‎ئه‌نوه‌ر ئه‌لیاسی

‎نه‌ورۆزی ئه‌مساڵ، له‌ کوردستانی بنده‌ستی کۆماری ئیسلامی ئێران، دوو په‌یامی گرنگی تێدا بوو، یه‌که‌م ئه‌وه‌ بوو گه‌لی کورد له‌ کوردستانی ئێران، له‌ دوای ئه‌و هه‌موو زوڵم و زۆر و چه‌رمه‌ سه‌رییه‌، هه‌ر به‌ پێوه‌ وه‌ستاون

و ‎به‌رده‌وام به‌ خه‌بات و شێوازی جۆراوجۆر، ‎وه‌ڵامی ئه‌و ڕژیمه‌ دیکتاتۆره‌ ده‌ده‌نه‌وه‌و، ‎پێکه‌وه‌ به‌ ده‌نگی به‌رز ده‌ڵێن، ‎که‌س نه‌ڵێ کورد مردووه‌ کورد زیندووه‌، ‎زیندووه‌ قه‌ت نانه‌وێ ئاڵاکه‌مان، له‌ نه‌ورزۆی ئه‌مساڵ ئه‌م په‌یامه‌، باشتر و به‌هێزتر د‌را به‌ گوێی کۆماری ئیسلامی ئێران.

‎دووه‌م په‌یام، ئه‌وه‌ بوو، جۆرێک له‌ نائومێدی لای ژڕیمی ئێران درووست کرد، ‎که ‌چی دیکه‌ به‌ زیندانی و سێداره‌ و ترس و تۆقاندن،  ناتوانن نکۆڵی له‌ گه‌لێکی ‎ئازا و بوێر بکه‌ن، ‎ڕوونتر بێژم، ئیراده‌ی ئه‌وان ڕۆژ به‌ ڕۆژ پیرو لاواز ده‌بێ و ئیراده‌ی گه‌لی کوردیش گه‌نجترو به‌هێزتر ده‌بێ.

‎نه‌ورۆز یه‌عنی ڕۆژێکی نوێ، یه‌عنی هاتنی گژووگیاو گوڵ، ته‌قینی کانیاو نه‌مانی سه‌رماو هه‌ڵپه‌رکێ و گۆرانی شادی، یه‌عنی وه‌رزێکی ڕه‌نگین و نوێ، له‌ هه‌موو شارو لادێ گوندنشینه‌کانی کوردستانی ئێران، ‎ئه‌م نه‌ورۆره‌، له‌ هه‌موو نه‌ورۆزه‌کانیتر پڕ ڕه‌نگتر و گه‌رم و گوڕتر بوو، بۆیه‌ نیشتمان سه‌رتاپا بزه‌و هیوا دایپۆشی و بۆنی موژده‌ی ئازادی لێ ده‌هات.

‎بە بڕوای من ئیرادە‌ی خه‌ڵک، زۆر گرنگه‌، نابێت نادیده‌ ‎سه‌یربکرێت، خه‌ڵکی کوردیش له‌ کوردستانی بنده‌ستی ئێران، خه‌ڵکێکی به‌ ئێراده‌و چاونه‌ترس و بوێرن، ‎بۆیه‌ حه‌ق وایه‌ حیزبه‌ کوردییه‌کان به‌ جیدی ‎ئاوڕ لەو‌ ئیراده‌یه‌ بده‌نه‌وه ‌و گرنگی پێده‌ن و ‎پشتگوێی نه‌خه‌ن.

‎له‌ کۆتاییدا هیوادارم، خه‌ڵکی کورد له‌ کوردستانی ئێران، به‌ ئامانجی خۆی بگات و ئه‌و هه‌موو خه‌بات و قوربانیه‌ی داویه‌تی له‌ پێناوی ئازادی و یه‌کسانی و ڕزگاری، به‌ فیڕۆ نه‌چێت و به‌ ده‌ستی بێنێت.