"an independent online kurdish website"

 ئەگەر چی ئەم بریارەی ئامریكا دژی سپای پاسداران درەنگ درا، بەڵام دڵی هەموو ئازادی خوازان و مرۆڤ دۆستانی دنیای خۆش كرد،


بە تایبەت هەموو گەلانی ئێران و بە تایبەتی،گەلی كورد لە رۆژهەڵاتی کوردستان کە  بەداخەوە بندەستی ڕژیمی دیكتاتۆری كۆماری ئیسلامی ئێرانە،  چل ساڵە لە ژێر ستمی ئەو ڕێژیمە چەپەڵە گیرۆدەیەو دەناڵێنێ.

 

لای هەمووان ڕوونە، كۆماری ئیسلامی ئێران، چل ساڵە بۆ مانەوەی خۆی لە ژێر چەتری ئەم گرووپە تێرووریستە، گشت مراقەكانی خۆی پێكاوەو بە دڵی خۆی لە ڕۆژهەڵاتی ناوین، لە تەك دۆست و نەیاری یاری دەكا و بووتە گرفتێكی گەورەو مەترسیدار بۆ ئایندەی ناوچەکە،  بەڵام بە بڕوای من، ئیتر لەمڕۆوە یاریەكە بە قازانجی هەو نییە و ناتوانێ ڕووداوەكان بە خواستی خۆی بقۆزێتەوە و ئامانجەكانی بە جوانی بپێكێت، ئیتر لە ئێستەوە، ڕۆژ بە ڕۆژ دەدۆڕێ و بەرەو داهاتوویەكی نادیارو هەڵدێر هەنگاو دەنێت، بەداخەوە، كۆماری تارمایی ئێران، لە ژێر سێبەری ئەم گرووپە نەگریسە، دایك نەما جەرگی نەسووتێنێت، باوك نەما هێزی لێ نەسێنێت، مناڵ نەما هەتیوی نەكات، ژن نەما لە زیندانەكان دەست درێژی ناكاتە سەری، چی نەكرد؟

ئەوەی كە لای من زۆر گرنگە و پێویستە لە سەری بووەستم، ئەوەیە گومانی تێدا نییە درەنگ تا زوو ئەم ڕژیمە وەكوو ڕژیمە دیكتاتۆرەكانی پێشوو، دەڕووخێ و بە سزای خۆی دەگات، بەڵام دەبێت بپرسین، ئیمەی كورد چ پلانێكمان هەیە بۆ داهاتوو، ئایا دەتوانیی سبەینێ لە چوار چێوەی ئێرانێكی ئازاد، لە بابەتە نەتەوەیەكان یەكگرتوو بین، ئایا حیزبەكانمان وەكوو حیزبەكانی باشوور بەرژەوەندی حیزبی ناخەنە پێش بەرژەوەندی خاك و گەل، زۆر پرسیاریتر كە بەردەوام من لە خۆمی دەكەم لێی دەترسم، ئومێد دەكەم،هەرچی زووە،ئازادی باڵ بكێشت بە سەر ئێراندا،هەموومان بە خاك و زێدمان كە كوردستانی خۆشەویستە،شاد بینەوەو بە ئامەنجی لە مێژینەمان بگەین و ڕزگارمان بێت لە ژێردەستی و دەربەدەری.

بە هیوای ئەو ڕۆژە

نویترین هەواڵ و بابەت