"an independent online kurdish website"

 کۆماری ئیسلامی ئێران رایگەیاند،  بەیانی ئەمڕۆ پێنجشەممە 20-6-2019 فڕۆکەیەکی بێفڕۆکەوانی ئەمریکای  خستۆتە خوار. 


سوپای پاسداران رایگەیاند کە فڕۆکەیەکی بێفڕۆکەوانی (درۆن) «MQ-۴C تریتون» ی لە پارێزگای هورمزگان خستۆتە خوارەوە و ئەمریکاش دەڵێ: رووداوەکە لە سنووری نێودەوڵەتی بووە، نەک سنووری ئاسمانی ئێران .

گۆیا ئەمە پێشکەوتووترین نەوعی فڕۆکەی بێفڕۆکەوانە و نرخی دەگاتە 180 میلیۆن دۆڵار و  دەتوانێ بە بەرزی 17کیلۆمیتر و 30 سەعات لە ئاسمان بێ کە بۆ  چاوەدێری  کەشتیەکان و جاسووسی بەکار دەهێنرێ.  ئەگەر ئەوەی ئێران دەڵێ راست بێ و ئەمریکا نەوعێکی کۆپی کراوی نەناردبێ.

لە داهاتوو یەکی نزیک دەردەکەوێ کە هەڵوێستی رەسمی ئەمریکا چی دەبێ.

 

سەرانی کۆماری ئیسلامی بەم کارەیان شاگەشکە بوونە و هەر یەکەو لە خۆیەوە تاریف لە قودرەتی نیزامی خۆیان دەکەن و ئەمە بە دەرسێک بە ئەمریکا دەزانن.

هەروەک باسمان کرد،  دۆناڵد ترەمپیش، لە توویتێکدا رایگەیاند، ئێران هەڵەیەکی زۆر گەورەی کردووە.

 

نویترین هەواڵ و بابەت