"an independent online kurdish website"

لەو ڕۆژانەدا ئەو کۆنگرەیە بۆتە باسی گەرمی ئەرێنی و نەرێنی قەڵەم بە دەستان  و ڕاگەێینیە گشتیە کوردیەکان. هەرکەس ڕاو بۆچونی خۆی دەربڕیوە و هێندێک  مشتومڕی سیاسیشی لێی کەوتۆتەوە.


ئەگەر بڕوامان بەئازادی هەبێ دەبێ گوێی  بیستنی موخالیف و موافقمان هەبێ. لە جیاتی لێک دانەوە و هەڵسەنگاندن نەکەوینە  هێرش و پەلامار و  فڕو لاتاو بۆ یەکتری. نـوسەران و سیاسەتوانانی ئێمە دەبێ و هونەریش ئەوەیە لـە مەنفی موسبەت دروست بـکەن. لـە پێشدا من دڵـنیام و بـە ڕاشکاویش دەڵێم:  ڕواڵەتی  ئەو بـەناو کۆنگرەیە  هەرچی بـوو بێ ، بـەرنامە و ئامانجی پشتی پەردەی شتێکە کە هەرگیز بە قازانجی گەلی کورد نیە. ئەو کۆنگرەیە بە تەواوی سیاسیە و هێچ پێوەندیەکی بەگەشە پێدانی فەرهەنگ و کلتوری کوردەوە  نیە. ئاخوندەکان باش دەزانن ئەو ململانەی دەگەڵ ئەمریکا و دنیا هەیەتی گەیشتۆتە  جێگایەکی باریک کە مەترسی ڕوخان و نەمانی لێدەکرێ ، بـۆ بەرەنگاریـ و تێپەڕ کردنی کەوتۆتە تەقەلا و خەریکە ئاوانسێک بدا بـە ناڕازیانی  نـاو خۆی. بـۆ ئەو مەبەستە دەیەوێ لە ژێر ئەو ناوەدا کورد سەرقاڵ و هێندێکانیش پێی فریو بدا.  ئوپوزیسیۆنی  فارسەکان  بە بیانوی  پاراستنی  تەواوەتی عەرزی  ئێران و بـە ناو دڵسۆزی بۆ خەڵک چرای سەوزیان بۆ هەڵکردو دڵنیایان کرد ئـەوان مویـان لێ نابزوێ! ئەوەی بـەلای  ڕێـژیمەوە  جێگای مـەتـرسیە خەڵکی کوردە، کە ڕۆژ نـیە بەبێ تاوان ڕۆڵەیەکیان لەدار نەدرێ . ئەو گەلەی هـۆگری  ئـازادیـ و مافی نەتەوایەتیە و دەریایەک خوێنی بۆ داوە ەک لەو پەڕی بەهێزی ڕێژیم دا کۆڵی نەداوە ، لەکاتی لاوازبونیدا  دەست  لـەسەر دەست دانـانێو بـە هەمـو  هـێزیـەوە هەوڵدەدا مافو ئازادی گەلەکەی وەدەست بێنێتەوە.  ڕێـژیم بۆ فریودانی هـێندێک کەس ولایەن وبۆ ڕاکێشانی سرنجی بیروڕای  گشتی گەلی کورد ئـەو شانـۆیەی سازکردوە. بڕوانن لەبەشدارانی ئەو کۆنگرەیەدا تاکە کەسێک نابینی کە ڕاستەو خۆوبەئاشکرا قسەیەکی دژی  سیاسەتەکانی  ڕێژیمی هەبێی، بـەڕێـوە بـردنیشی لەلایەن  سوپای  پاسدارانەوە  خۆی  نیشنادەری ئەوەیە  کە فڕی بە  فەرهەنگیو کلتوری بونەوە نیە.ئەوەی قسەی زۆری لەسەرکراوە وەک بەشداری مەزهەری خالەقیە. یەکێک لە عەیبی گەورەی  ئێمە ئەوەیە  ئەگەر کەسێک  دەنگی  خۆش بوو، یان هونەرێکیتری هەبوو پێمان خۆش بوو، دەیکەینە قارەمان، شۆڕشگێڕ،  فەلیەسوف و…بەڕای من ناوبراو،نە سیاسیەونە لەوبوارەدا خزمەتێکی بەخەباتی  ڕزگاری خوازانەی گەلەکەی کردوە ، ئێستا کارەکانی چی و چۆن بون بەلامەوە  گرینگ نیە. بەداخەوە ئێمە  زۆربەمان لەماناو ناوەرۆکی شۆڕشـو شـۆڕشگێڕی بـاش تـێنەگەیشتوین ، بـۆیـە سـوکوهـاسان کەسێک  دەکەیـنە  شۆڕشگـێڕو زۆر هـاسانتریش لەقەبەکەی لێوەردەگرینەوە! نـاوی گەورە بـۆیەکێک  بەکاردێنین کە نـاوی  ئەونیە !!  بەشداربـوەکانی دەرەوەی  ڕۆژهـەڵاتی  کوردستان  ئـەوانـەی پێوەندیان بە هەرێم ودەسەڵاتەوە بوو بەشداریەکی سیاسیەوبۆبەرژەوەندی خۆیان  چون،  کەسایەتی سەربەخۆ نین . ئەوانەی لەناو خۆش بەشدار بـون  زۆربـەیان لەوانەن کە وەبەر ئەو قسەیە دەکەون  دەڵێی: ( ناعیلاجی حەرامی حەڵاڵ دەکا ) بەهەرحاڵ ئێمە  دەبێی دەگەڵ ئەوەی وشیارانە لەسەرهەست بین وڕەخنە بگرینو ڕێگا چارەش  بۆمەسەلەکان  بدۆزینەوە. لە کاتێکدا ماڵەکەی  ئـێمە دەیـان کەلین وکەلەبەری تێدایە بێگومان هەمو باوبارانو  گێژەڵوکەو کڕێوەو  بـاکوت  سەری پێدادەکا. بـۆ شوێنی  کۆنگرەکەش  دەڵـێم : دەیـانـەوێی  سولـەیمانی و هەولـێر لە ڕۆژهەڵاتیش دروست بکەن !! ئەگەر بمانەوێی کەسایەتی سەربەخۆ  بـدۆزینەوە دەبێی سرنجێکی بەڕێزان  جەلال  مەلیک شاهی وعەبدوڵاپەشێوبدەین.  لـەوەش زیاتر خەڵکی کورد و بەتایبەتی  ئەوەی  ناوی ناودارانی  کوردیان لێناون دەبێی تێبگەن ڕێژیمێک لە ماوەی (٤٠ ) ساڵ دەسەڵاتی  خۆی دا ئیزنی  نـەداوە تـاقە  قـوتـابخانەییەکی  سەرەتایی زمانی کوردی لەسەرانـسەری کوردستان بەڕەسمی  بکرێتەوە،چۆنە ئێستا شیرە شووانـەی بـۆ کورد هێناوەتەوە ؟!! گومانـم لەوەدانیە ئەو پیلانەی ڕێژیم وەک ئاوانیتری لە ئاکامدا دەبێتە بەڵگەی پیلانگێڕی ڕێژیم و لە مێژودا دەنوسرێتەوە. لە کۆتایی قسەکانم دەڵـێم : کەسایەتی ناودارو سەربەخۆ  دەبێی وەک ڕێـزدار مامۆستا عـەوڵا پـەشێو ولامی بـانگهێشتنەکە  بـداتـەوە  کە دەفەرموێی : { ڕێـژیمی  سێدارەی  ئـێران  خۆی بـکوژی چەنـدین  سـەرکردەو شۆڕشگێڕی ناوداری کوردە .من (٤٠ )چل ساڵە بە ئاواتی مەرگی ئەوڕێژیمەم، هەرگیز خۆم ڕوو زەردی  لای خوێنی  بەناهەق ڕژاوی  سەرکردەو  لاوەکانی  ڕۆژهەڵاتی کوردستان نـاکەم. ئێوە چـۆن لـە ڕووتـان هـات  بـانگهێشتننامەیەکی ئاوها  ئاڕاستەی من بکەن؟} ئەوە دەبێی وڵامی هەمو کوردێکی نیشتمانپەروەرو  ئازادو سەربـەخۆ  بێی. یان بـەڕیـز جەلالی مەلـیکشا وەک نـاڕازی  کۆنـگرەکە بایکۆت دەکاو نایەوێی لە کۆتایی تەمەنیدا خۆی قەرزدارو شەمەزاری گەلەکەی بکا.    

 براتان مەلا برایمی مەجید پور 

  ١٣ ی پوشپەڕی ٢٧١٩ ی کوردی 

  ٤ ی یولی     ٢٠١٩ ی زایینی

نویترین هەواڵ و بابەت