"an independent online kurdish website"

من ئاوارە و

باخ  غەریب ومەل تۆراو


دارستان بێ ئاسک و

کوێستان بێ شەماڵ و کانی و چەم و شوان ومەڕ وبێری

من دەرکراو لە نیشتمان و

نیشتمان پڕ لە ڕەوە گورگ و

خۆر لە زیندان و مانگ لە سێدارە دراو  و

مۆم و قەڵەم و گوڵ شکێندراو

خاک دیل و  مرۆڤ کپ و ھۆشبەر کراو  و

فرۆشراو و  بێ کەرامەت کراو

ئیتر  من داکەوتوو و دواکەوتوو و ھەڵەنگووتوو

مۆسیقاش بێ ژەنیار و شێعریش ھەتیو و

دوو کچ وکوڕی نەوەی ئەم وڵاتەی لەت لەت کراوم نەبێ

دوو  ئەسپی بە حیلە و پڕ تاوی ڕۆژی لێ قەومانم نەبێ

دوو بزەی مناڵی ناو بێشکەی دێ وشار و چیا و

چیرۆکی ڕێبەندانم نەبێ

کە من و خاک ھیوامانە

چ شک نابەین.

نویترین هەواڵ و بابەت